ចូលមើលគ្រប់ជ្រុងនៃផ្ទះបីខ្នងជាប់ៗគ្នារបស់ Pancake បានដឹងពិតជាមិនធម្មតា!
- 2017-11-30 04:32:57
- ចំនួនមតិ 0 | ចំនួនចែករំលែក 0
ចូលមើលគ្រប់ជ្រុងនៃផ្ទះបីខ្នងជាប់ៗគ្នារបស់ Pancake បានដឹងពិតជាមិនធម្មតា!
បើនិយាយពីតារាស្រីជួរមុខថៃហើយគ្រងតំណែងនេះបានយូរមកដល់បច្ចុប្បន្ន គេប្រាកដជាមិនអាចរំលង Pancake Khemanit នោះឡើយ។ ក្រៅពីល្បីដោយរូបសម្រស់និងស្នាដៃសិល្បៈ ស្រីស្អាតវ័យ ២៩ឆ្នាំរូបនេះក៏ត្រូវបានគេមើលឃើញថាជាតារាចិត្តបុណ្យម្នាក់ដោយតែងលេចមុខ ឬសម្ដែងក្នុងកម្មវិធីសប្បុរសធម៌នានាដោយមិនយកប្រាក់មួយកាក់មួយសេនឡើយ។
នៅថ្មីៗនេះដែរ កម្មវិធីទូរទស្សន៍មួយបានចុះទៅថតយកទិដ្ឋភាពផ្ទះរបស់តួឯកស្រីរូបនេះដល់ទីកន្លែង ដែលស្ថិតក្នុងតំបន់ Ramindra ទីក្រុងបាងកក។ អ្វីដែលប្លែកនឹងពិសេសជាងផ្ទះតារាៗដទៃនោះគឺថា Pancake មានផ្ទះដល់ទៅ៣ខ្នងធំៗជាប់ៗគ្នា ដោយមិនរាប់រោងដាក់ឡានឡើយ។ ផ្ទះទាំង៣ខ្នងរបស់នាងមានផ្ទះពណ៌លឿង ពណ៌ផ្ទៃមេឃ និងពណ៌ស៊ីជម្ពូ ដែលក្នុងបរិវេណផ្ទះទាំងបី គឺមានអាងទឹក សួនច្បារ និងដើមឈើផ្ដល់ម្លប់ត្រជាក់ត្រជំតែម្ដង។
ផ្ទះខ្នងដំបូងដែលចូលទៅឃើញមុនគេ ត្រូវបានចាត់ទុកថាជាផ្ទះទទួលភ្ញៀវ ដោយក្នុងនោះមានការតុបតែងដោយតុក្កតា គ្រឿងសង្ហារិមពណ៌ pastel មានសៀវភៅប្រលោមលោក និងមានការរៀបចំតាមក្បួនហុងស៊ុយដែលណែនាំដោយគ្រូអាចារ្យម្នាក់។
ចំណែកផ្ទះទីពីរគឺសម្រាប់សមាជិកប្រុសៗ គឺមានលោកប៉ា និងប្អូនប្រុសរបស់ Pancake ដែលពេលនេះបានរៀបការនឹងមានកូនស្រីម្នាក់ហើយ ដែលធ្វើឲ្យផ្ទះមួយខ្នងនេះហាក់មានភាពអ៊ូអរជាងគេ។
ចំណែកផ្ទះបន្ទាប់ គឺជាផ្ទះរបស់ Pancake និងម្ដាយនាង ព្រមទាំងប្អូនស្រី ដែលនៅតាមផ្លូវទៅផ្ទះទី៣នេះក៏មានកន្លែងអង្គុយលេងស្រូបខ្យល់ធម្មជាតិ និងទីធ្លាក្មេងលេងខ្នាតតូចសម្រាប់ក្មួយរបស់នាង ៕
ទស្សនាវីដេអូទាំងមូលខាងក្រោមនេះ៖