កាដូ៦យ៉ាងដែលបុរសចង់បានបំផុតពីមនុស្សជាទីស្រឡាញ់

2017-11-27 08:00:11
ចំនួនមតិ 0 | ចំនួនចែករំលែក 0

ក្នុងថ្ងៃពិសេសៗប្រហែលអ្នកចង់ជូនអំណោយដ៏ល្អបំផុតសម្រាប់មនុស្សដែលអ្នកស្រឡាញ់ហើយ តែពេលខ្លះពិបាកជ្រើសរើសមិនដឹងថាគួរទិញអីដើម្បីសក្តិសម ហើយគាត់ស្រឡាញ់ទៀត។ ថ្ងៃនេះ កញ្ញា នឹងជួយជាយោបល់ខ្លះក្នុងការជ្រើសកាដូសម្រាប់មនុស្សពិសេសរបស់អ្នក ៖

១. អាហារដែលធ្វើដោយផ្ទាល់ដៃ

វាជារបស់ដែលផ្អែមល្ហែម និងមានន័យបំផុតសម្រាប់មនុស្សប្រុស ព្រោះអ្នកបានចំណាយពេល និងទឹកក្នុងការធ្វើវាឡើងមក ដូច្នេះទោះបីពេលខ្លះមិនសូវឆ្ងាញ់ក៏គាត់នៅតែសប្បាយចិត្តដែរ។ អ្នកអាចចម្អិនអាហារដែលគាត់ចូលចិត្ត រួចខ្ចប់ឲ្យស្អាតដើម្បីជូនគាត់ក្នុងថ្ងៃពិសេសអីមួយ។

២. នាឡិកាដៃ

ប្រហែលជាអ្នកគិតថាវាជាអំណោយមិនល្អព្រោះអាចបែកគ្នាតាមពាក្យតៗគ្នា ប៉ុន្តែវាគ្រាន់ជាជំនឿគ្មានផ្លូវការមួយប៉ុណ្ណោះ។ នាឡិកាដៃជាកាដូដ៏ល្អមួយសម្រាប់មនុស្សប្រុស ព្រោះវាជារបស់មួយដែលមនុស្សគួរតែមាន។ បើអ្នកអាចទិញឲ្យគាត់នោះ វាកាន់តែពិសេសព្រោះគាត់អាចពាក់ជាប់ដៃគ្រប់ពេល។

៣. ស្បែកជើង ឬសំលៀកបំពាក់

ទាំងនេះសុទ្ធតែជាអំណោយដ៏ពិសេសមួយ ព្រោះវាបានបង្ហាញពីការយកចិត្តទុកដាក់របស់អ្នកចំពោះគាត់ រហូតដល់ទំហំស្បែកជើងក៏ដឹង ទំហំខោអាវក៏ដឹង។ ម្យ៉ាងកាដូនេះតំណាងឲ្យភាពស្រស់ស្អាតរបស់គាត់ ដែលអ្នកចង់ឃើញពីគាត់។

៤. កាបូបលុយ

វាជារបស់ដ៏មានន័យបំផុតសម្រាប់ស្នេហា វាតំណាងឲ្យការស្រឡាញ់ និងមានសណ្ដាប់ធ្នាប់ក្នុងការទុកដាក់លុយ និងរបង្កើនលុយបានច្រើនដើម្បីដាក់ក្នុងកាបូបនោះ។ អ្នកគួរតែទិញកាបូបលុយឲ្យគាត់ ព្រោះវាជារបស់ដែលគាត់ត្រូវការសម្រាប់ប្រើប្រាស់រាលថ្ងៃ។

៥. ទឹកអប់

វាក៏ជាកាដូដ៏សក្តិសមមួយដែរ ព្រោះនៅពេលដែលគាត់ធំក្លិនទឹកដែលអ្នកទិញឲ្យនោះគាត់នឹងនឹកដល់អ្នក។ មួួយទៀតវាក៏ជាផ្នែកមួយឲ្យគាត់កាន់តែមានភាពជឿជាក់លើខ្លួនឯងដែរ។

៦. កាតាប

អ្នកគួរតែជ្រើសរើសកាតាបដ៏ល្អមួយសម្រាប់គាត់ប្រើប្រាស់ ដូចជាពេលទៅធ្វើការ ឬក៏ទៅរៀន ឬក៏សម្រាប់ដើរកំសាន្ត។ គាត់នឹងសប្បាយចិត្តព្រោះវាសុទ្ធសឹងតែជារបស់ដែលគាត់ត្រូវការប្រើប្រាស់។