ញ៉ាំសម្លម្ជូរដដែលៗធុញពេកហើយ មកសាកសម្លម្ជូរខ្ទិះសាច់គោវិញមើល៍!
- 2017-11-21 06:04:49
- ចំនួនមតិ 0 | ចំនួនចែករំលែក 0
ញ៉ាំសម្លម្ជូរដដែលៗធុញពេកហើយ មកសាកសម្លម្ជូរខ្ទិះសាច់គោវិញមើល៍!
ស្ត្រីមេផ្ទះគ្រប់គ្នាប្រហែលជាធុញទ្រាន់នឹងការរកនឹកមុខម្ហូបប្រចាំថ្ងៃហើយមែនទេ? កញ្ញា នឹងលើកយករបៀបនៃការធ្វើសម្លម្ជូរខ្ទិះសាច់គោ សម្រាប់មុខម្ហូបក្នុងថ្ងៃនេះ។
គ្រឿងផ្សំ៖ ខ្ទិះដូង ម្ទេសចិញ្ច្រាំ ខ្ទឹមស ខ្ទឹមបារាំងពណ៌ស្វាយ ស្លឹកក្រូចសើច រំដេង សាច់គោ ការ៉ុត ត្រប់ស្រួយ ម្នាស់ ផ្សិតចំប៉ើង គល់ស្លឹកគ្រៃ ប៊ីចេង ទឹកត្រី ស្ករស ប្រេងខ្យង អំពិលទុំ ជីនាងវង។
វិធីធ្វើ៖
១. រំងាស់ខ្ទិះដើមកន្លះចានហើយដាក់ម្ទេសចិញ្ច្រាំចូល។
២. ចាក់ខ្ទឹមស ស្លឹកក្រូចសើច រំដេង ខ្ទឹមបារាំងពណ៌ស្វាយ សាច់គោ ហើយច្របូលចូលគ្នា។
៣. បន្ទាប់មកដាក់គល់ស្លឹកគ្រៃ ប៊ីចេង ទឹកត្រី ស្ករស ប្រេងខ្យង ហើយផ្ងំវាមួយសន្ទុះ។
៤. ក្រោយមកដាក់ការ៉ុត និងត្រប់ស្រួយចូលហើយចាក់ខ្ទិះចុងកន្លះចាន។
៥. ទុកឱ្យការ៉ុត និងត្រប់ផុយបន្តិចហើយសឹមដាក់ម្នាស់ចូលទៀត។
៦. ដាក់អំបិលទុំនិងផ្សិតចំប៉ើង ភ្លក់មើលឱ្យត្រូវចំណូលចិត្តរួចបង់ជីនាងវងចូលជាការស្រេច៕
ទស្សនាវីដេអូខាងក្រោម
ប្រភព៖ Kimyee Cooking
ចុចអាន៖តោះ! មករៀនធ្វើ "បាយឆាកាពិ" ញ៉ាំខ្លួនឯង ឲ្យឆ្ងាញ់មាត់ម្ដង