រឿងងាយៗទាំង ៤ ធ្វើឲ្យថ្ងៃអាក្រក់ទៅជាធូរស្រាលឡើងវិញ
- 2017-11-14 10:00:00
- ចំនួនមតិ 0 | ចំនួនចែករំលែក 0
រឿងងាយៗទាំង ៤ ធ្វើឲ្យថ្ងៃអាក្រក់ទៅជាធូរស្រាលឡើងវិញ
ជីវិតរស់នៅប្រចាំថ្ងៃតែងមានជួបរឿងល្អ និងអាក្រក់ អារម្មណ៍មនុស្សក៏ដូចគ្នា ឡើងចុះទៅតាមទំហំនៃការតប់ប្រមល់ ឬសប្បាយចិត្តពីការងារ ជំនួញផ្ទាល់ខ្លួនឬ ជីវភាពប្រចាំថ្ងៃ។ ដូច្នេះហើយទើបកញ្ញា ចង់ប្រាប់ពីវិធីសាស្ត្រដែលអាចកែខៃថ្ងៃមិនល្អមកជាស្រស់ស្រាយឡើងវិញ។
១.ធ្វើខ្លួនឲ្យស្អាតជាងថ្ងៃធម្មតា
ការតុបតែងខ្លួនឲ្យបានស្អាតគឺជាកត្តាជំរុញទឹកចិត្ត ដើម្បីឆ្លងកាត់ថ្ងៃមិនល្អដែលបំបាក់ទឹកចិត្តនោះ។ ការតុបតែងខ្លួនស្អាតជំរុញទំនុកចិត្ត និងភាពជឿជាក់ដល់អ្នក ហើយអាចធ្វើឲ្យអ្នកមានអារម្មណ៍ល្អ និងស្រស់ស្រាយឡើងវិញ។
២.ចូលហាងផឹកកាហ្វេ
បរិយាកាសក្នុងហាងកាហ្វេ ក្លិនកាហ្វេ និងចម្រៀង Background តិចៗរណ្ដំអាចជួយអ្នកបានធូរស្រាលឡើងវិញមួយកម្រិត។ បើបានជជែកលេងពីនេះពីនោះជាមួយមិត្តជិតស្និទ្ធទៀតរឹតតែផ្លាស់ប្ដូរពីថ្ងៃអាក្រក់ទៅជាប្រសើរវិញបាន។
៣.ទិញទំនិញលើកទឹកចិត្តខ្លួនឯង
សម្រាប់អ្នកចូលចិត្តទិញឥវ៉ាន់វិញច្បាស់ជាយល់ស្របជាមួយគំនិតនេះជាក់ជាមិនខាន។ ការដើរទិញឥវ៉ាន់មិនថាមានតម្លៃថោកឬថ្លៃទេសុទ្ធតែជួយបំបាត់ភាពតានតឹង ហើយសប្បាយចិត្តឡើងវិញ។
៤.ងូតទឹកឲ្យត្រជាក់ខ្លួន
ស្ដាប់ទៅរៀងចម្លែក ប៉ុន្តែសាកទៅនឹងដឹងហើយថាមានប្រសិទ្ធភាព។ ទោះស្ថិតក្នុងស្ថានភាពណាក៏ដោយក្រោយពេលងូតទឹកហើយ នឹងទទួលអារម្មណ៍ស្រស់ថ្លាឡើងវិញភ្លាមៗ៕
ចុចអាន៖បញ្ហាជីវិត ៧យ៉ាងដែលអ្នកនឹងយល់បានជ្រាលជ្រៅពេលឈានចូលវ័យ ២៥ឆ្នាំ