សញ្ញា៥យ៉ាងបញ្ជាក់ថាអ្នកស្គមខ្លាំងជ្រុលពេកហើយ

2017-11-11 03:13:43
ចំនួនមតិ 0 | ចំនួនចែករំលែក 0

រាងស្គម ស្លីម សិចស៊ី គឺជាអ្វីដែលមនុស្សស្រីសម័យថ្មីតែងតែប្រាថ្នាចង់បាន។ ដូច្នេះហើយទើបនារីៗមួយចំនួនខ្វល់ខ្វាយយ៉ាងខ្លាំងអំពីទម្ងន់របស់ខ្លួន។ ប្រហែលអ្នកក៏ជាម្នាក់ក្នុងចំណោមនោះដែរ គឺសុខចិត្តបង្អត់បាយខ្លួនឯង ដើម្បីបានរាងដែលខ្លួនប្រាថ្នា។ ប៉ុន្តែពេលខ្លះរាងស្គមជ្រុលពេក ពិតជាមិនស្អាតដូចអ្វីដែលអ្នករំពឹងឡើយ ខាងក្រោមនេះជា៥ចំណុចដែលបង្ហាញថាអ្នកស្គមជ្រុលពេកហើយ៖

១. ស្មារបស់អ្នកគួរឲ្យខ្លាច

ស្មាដែលមានឆ្អឹងគឺពិតជាសិចស៊ី ពេលអ្នកស្លៀករ៉ូប ឬអាវដែលលេចស្មា ប៉ុន្តែមិនមែនឆ្អឹងសុទ្ធដូចមនុស្សឈឺធ្ងន់រាប់ឆ្នាំនោះទេ។ តាមពិតស្មាដែលមានឆ្អឹង និងសាច់តិចៗទើបស្អាតពិតប្រាកដ។

២. មើលឃើញឆ្អឹងជំនីច្បាស់ក្រឡែត

មើលឃើញឆ្អឹងជំនីបែបនេះ មិនបានធ្វើឲ្យរាងអ្នកស្អាតឡើយ តែវាគួរឲ្យខ្លាចទៅវិញទេ។ ដូច្នេះកុំបណ្ដោយខ្លួនតទៅទៀត អ្នកគួរចាប់ផ្ដើមវិធានការញ៉ាំអាហារឲ្យបានគ្រប់គ្រាន់ឡើងវិញ។

៣. ទ្រូងរបស់អ្នកលេចចេញសុទ្ធតែឆ្អឹង

ឃើញហើយគួរឲ្យអាសូរ មើលយ៉ាងណាក៏មិនដឹងស្អាតដែរ។ ដើមទ្រូងស្រស់ស្អាតត្រូវតែមានសាច់ផងដែរ ទើបហៅថាសិចស៊ីបាន។

៤. ជើងរបស់អ្នកស្គម និងតូចជាងជើងតុក្កតា Barbie ទៀត

ជើង និងដៃទំហំប៉ុនគ្នា ពិតជាមិនគួរឲ្យជឿថាមនុស្សអាចធ្វើបាន។ ជើងស្គមដូចជើងតុក្កតា Barbie ពិតជាមិនស្អាតដូចការគិតរបស់អ្នកឡើយ។

៥. ផាត់មុខយ៉ាងណា ក៏ថ្នក់ក្រោមភ្នែកនៅតែឃើញ

នៅពេលអ្នកគេងមិនគ្រប់គ្រាន់ ឬអស់កម្លាំងខ្លាំងថ្នក់ក្រោមភ្នែកអ្នកនឹងប្រែជាខ្មៅ ប៉ុន្តែប្រសិនបើអ្នកស្គមជ្រុលថ្នក់ខ្មៅនោះនឹងប្រែជាពណ៌ផ្កាឈូក និងមានសភាពហើម។ ទោះអ្នកព្យាយាមផាត់មុខបែបណាក៏ជួយមិនបានដែរ។