ការផាត់មុខខុសបច្ចេកទេស ធ្វើឲ្យមើលទៅចាស់ជាងវ័យស្រីៗគួរចៀសវាង

2017-10-27 03:40:34
ចំនួនមតិ 0 | ចំនួនចែករំលែក 0

ការតុបតែងមុខជួយលើកសម្រស់មនុស្សស្រីឲ្យកាន់តែស្រស់ស្អាតមួយកម្រិត ហើយថែមទាំងជួយឲ្យនាងមានភាពជឿជាក់លើខ្លួនឯងផងដែរ។ ការតុបតែងមុខដើម្បីមើលទៅស្រស់ស្អាតនោះ គឺតម្រូវឲ្យមានតិចនិក និងវិធីសាស្ត្រផ្សេងៗពីគ្នាយោងតាម សម្បុរស្បែក ព្រមទាំងអាយុមនុស្សស្រី។ទាំងនេះជាកំហុសដែលធ្វើឲ្យផាត់មុខទៅមើលឃើញចាស់ជាងអាយុ ស្រីៗ គួរចៀសវាង៖

១.ផាត់រង្វង់ភ្នែកក្រមៅ

ការផាត់ភ្នែកក្រមៅសាកសមតែពេលចូលរួមកម្មវិធីពេលល្ងាច ឬពេលរាត្រីប៉ុណ្ណោះ។ តែទោះជាយ៉ាងណាការផាត់ពណ៌ក្រមៅពេញរង្វង់ភ្នែក ធ្វើឲ្យអ្នកមើលទៅចាស់ជាងអាយុ ដូច្នេះគួរជ្រើសរើសពណ៌ខ្ចីហើយភ្លឺ ដើម្បីផាត់ទៅស្រស់ស្អាតក្មេងវ័យ។

២.ប្រើ Eyeliner គូរត្របកភ្នែកខាងក្រោម

ការប្រើ Eyesliner គូរក្រោមភ្នែក ឬលាបម៉ាស្ការ៉ាពេញរោមភ្នែកក្រោម ធ្វើឲ្យភ្នែកតូចហើយស្លក់ទៀតផង។ បើចង់មើលទៅក្មេង និងទាក់ទាញគួរតែគូរ Eyeliner លើត្របកភ្នែក ហើយលាបម៉ាស្ការ៉ាបន្ថែម ទៅបានហើយ។

៣.ប្រើ Concealer ក្រាស់ពេក

ពិតណាស់ Concealer ប្រើសម្រាប់បិទបាំងស្នាមលើមុខ តែបើប្រើក្រាស់ពេកនឹងធ្វើឲ្យមើលទៅឃើញកកដុំៗ ហើយពេលបែកញើសឃើញមានស្នាមថែមទៀតផង។ ម៉្យាងទៀតលាប Concealer ក្រាស់ពេកធ្វើឲ្យមើលទៅចាស់ជាងវ័យផងដែរ។

៤.គូរចិញ្ចើមខ្មៅដិតពេក

ការគូសចិញ្ចើមខ្មៅដិតមើលទៅដូចសាក់នោះ ធ្វើឲ្យមើលទៅចាស់ខ្លាំងណាស់។ គួរប្រើពណ៌រាងក្រមៅ សូកូឡា ឬពណ៌ស្លែបែកខ្មៅ ហើយគូរថើៗលើចិញ្ចើម ដើម្បីមើលទៅក្រាស់តែបែបធម្មជាតិ៕

ចុចអាន៖ត្រៀមខ្លួនសម្រាប់ Halloween ហើយនៅ? ការ Makeup ប្លែកៗសម្រាប់ Halloween!

ប្រភព៖ Dailymail ប្រែសម្រួល៖ Pencharm