នារីៗកុំចាំដល់វ័យជ្រេហើយ បានសម្រេចរៀបការនោះ! ទាំងនេះជាហេតុផល!

2017-10-11 08:28:42
ចំនួនមតិ 0 | ចំនួនចែករំលែក 0

រឿងរៀបការគឺជារឿងដែលសំខាន់មួយដែលត្រូវគិតគូរ ជាពិសេសមនុស្សស្រីតែម្ដងព្រោះបើបណ្ដោយខ្លួនដល់អាយុចាស់នោះពិតជាពិបាកបន្តិច ដូច្នេះអ្នកគួរតែចេះរៀបចំផែនការជីវិតមួយ ហើយនេះជាហេតុផលដែលនារីគួរតែរៀបការនៅក្នុងវ័យដែលមិនទាន់ជ្រេ៖ ១. មិនខ្ជះខ្ជាយពេលវេលាឥតប្រយោជន៍ ៖ អ្នកមិនគួរខ្ជះខ្ជាយពេលវេលាជាច្រើនឆ្នាំជាមួយស្នេហាដែលមិនប្រាកដប្រជាទៀតនោះទេ ហើយក៏មិនគួរធ្វើខ្លួនដូចកូនក្មេងទៀតដែរ។

២. ជាវ័យដែលសមល្មម ៖ ជាវ័យមិនចាស់ពេក មិនក្មេងពេក និងជាពេលដែលអ្នករឹងមាំ ស្រស់ស្អាត ទាក់ទាញ ហើយមានលទ្ធភាពច្រើនក្នុងការងារ និងបង្កើតគ្រួសារមួយ។

៣. អ្នកមានពេលរីកចម្រើនជាមួយគ្នាបានយូរ ៖ អ្នកមានពេលវេលាច្រើនសម្រាប់គ្នាទៅវិញទៅមក ធ្វើរឿងដែលអ្នកចង់ធ្វើជាមួយគ្នា ស្វែងយល់ពីជីវិតរៀបការ និងដោះស្រាយបញ្ហាជាមួយគ្នា។

៤. អ្នកអាចសម្រេចគោលដៅអ្នកជាមួយគ្នា ៖ ពេលខ្លះអ្នកមិនអាចចាំរហូតដល់អ្នកជោគជ័យគ្រប់យ៉ាងនោះទេ បើអ្នករៀបការនៅក្នុងអាយុនេះអ្នកនៅតែអាចសម្រេចគោលដៅអ្នក ព្រោះអ្នកមានមនុស្សម្នាក់គាំទ្រអ្នកបន្ថែមទៀត ដូចជាការទិញផ្ទះ ឡាន ការងារ មុខរបរថ្មី និង ដំណើរកម្សាន្តជាដើម។

៥. គ្មានសម្ពាធក្នុងការមានកូន ៖ បើអ្នករៀបការអាយុច្រើនអ្នកអាចនឹងប្រញាប់យកកូន តែបើអ្នករៀបការកំឡុងពេលនេះអ្នកមានពេលច្រើនក្នុងការយកកូន ម្យ៉ាងទៀតវ័យនេះជាវ័យដែលអ្នកមានសុខភាពល្អទៀតផង។

៦. មានតុល្យភាពក្នុងការធ្វើជាម្ដាយ និង ការងារ ៖ អ្នកមានកម្លាំងច្រើនក្នុងការងារនិងថែរក្សាកូន ព្រោះអ្នកមានភាពរហ័សរហួន និងព្យាយាមខ្លាំងជាងពេលដែលអ្នកមានវ័យចំណាស់។

៧. ងាយស្រួលពេលដែលអ្នកចាស់ទៅ ៖ ពេលដែលអ្នករៀបការនិងមានកូនក្នុងអាយុនេះ នោះពេលដែលអ្នកចាស់ កូនអ្នកក៏ធំល្មមដែលអាចគិតគូពីខ្លួនឯងបាន ដូច្នេះអ្នកអាចធូរស្រាលនៅពេលដែលអ្នកចាស់ដោយមានពេលរីករាយជាមួយវ័យរបស់អ្នក។

ជារួមក្នុងកំឡុងអាយុនេះគឺសមល្មមដែលអ្នកចេះគិតគូរ និងរៀបចំជីវិតគ្រួសារមួយ ព្រោះវាមិនមែនជាវ័យដែលអ្នកត្រូវសប្បាយរហូតដល់ភ្លេចខ្លួននោះទេ បើសម្រាប់មនុស្សប្រុសវាមិនជាបញ្ហានោះទេ តែអ្នកជាស្រីអ្នកត្រូវតែគិតគូរ។

ប្រភព៖ makeupandbeauty http://makeupandbeauty.com/7-reasons-why-getting-married-in-your-20s-is-awesome/ អត្ថបទ៖ ផេង ផលធិតា

ប្រភព៖ makeupandbeauty ប្រែសម្រួល៖ ផេង ផលធិតា