៧ វិធីជួយឲ្យខ្លួនឯងឆ្លាតវៃ និង រឹងមាំជាងមុន!

2017-10-11 04:40:43
ចំនួនមតិ 0 | ចំនួនចែករំលែក 0

ភាពឆ្លាតអ្នកណាក៏ចង់បានដែរ តែវាក៏ត្រូវមានជួយជំរុញពីខ្លួនឯងផ្ទាល់ដែរ ដើម្បីឲ្យសមត្ថភាពខួរក្បាល និង រាងកាយរឹងមាំ។ ៧ គន្លឹះខាងក្រោមនឹងអាចឲ្យអ្នកមានភាពឈ្លាសវៃ និង រឹងមាំជាងមុន ៖

១. រៀនលេងឧបករណ៍តន្ត្រី ៖ ការដែលអ្នករៀនលេងនូវឧបករណ៍តន្ត្រីមួយចំនួនបានធ្វើឲ្យខួរក្បាលអ្នករីកចម្រើន និងមានសមត្ថភាពកាន់តែខ្ពស់ ព្រោះតន្ត្រីគឺជាគន្លឹះដែលអាចជំរុញកោសិកាខួរក្បាលច្រើនបំផុត។

រូបតំណាង

**២. បរិភោគអាហារណាដែលជំនួយដល់ខួរក្បាល ៖** កុំញ៉ាំអាហារគ្រាន់តែដើម្បីឆ្អែត អ្នកគួរតែជ្រើសរើសអាហារណាដែលជំនួយដល់ខួរក្បាល និងជៀសវាងអាហារណាដែលធ្វើឲ្យសមត្ថភាពខួរក្បាលអ្នកចុះខ្សោយ។

៣. កាត់បន្ថយការគេងរបស់អ្នក ៖ ការគេងច្រើនវាមិនបានផ្ដល់ផលល្អឲ្យខួរក្បាលនោះទេ ផ្ទុយទៅវិញវារឹតតែធ្វើឲ្យខួរក្បាលអ្នកស្ពឹកស្រពន់មិនរហ័សរហួន ដូច្នេះអ្នកគួរតែកាត់បន្ថយការគេងលើសកំណត់របស់អ្នកទើបជាការល្អ។

៤. ឲ្យខ្លួនប្រាណ មានចលនា ៖ អ្នកគួរតែធ្វើចលនាសម្រាប់ខ្លួនប្រាណដូចជា លំហាត់ប្រាណ ការកម្សាន្ត ដែលប្រើប្រាស់កម្លាំង ព្រោះវាគឺល្អក្នុងការធ្វើឲ្យអ្នកមាំមួន និងឆ្លាតជាងមុន។

៥. ចៀសវាងការស្មុគស្មាញខ្លាំង ៖ អ្នកគួរតែព្យាយាមនៅឲ្យឆ្ងាយពីរឿងមិនសប្បាយចិត្ត ហើយព្យាយាមធ្វើអ្វីដែលនាំឲ្យអ្នករីករាយនិង ស្រស់ថ្លា ដើម្បីបង្កើនភាពឈ្លាសវៃរបស់អ្នក។

រូបតំណាង

៦. មានទំនាក់ទំនងជាមួយមនុស្សល្អៗ ៖ មានមិត្តល្អ អ្នកជុំវិញខ្លួនខ្លាំង នោះវានឹងជួយជំរុញឲ្យអ្នកកាន់តែឆ្លាត កាន់តែទទួលចំណេះដឹងថ្មីៗសម្រាប់អភិវឌ្ឍខ្លួនអ្នក។

៧. រៀនជំនាញអ្វីដែលថ្មី ៖ អ្នកអាចរៀនភាសាដែលអ្នកមិនទាន់ចេះ រៀនហែលទឹក រៀនគូររូប រៀនថតរូប និងអ្វីផ្សេងទៀតដែលអ្នកចង់ចេះ ព្រោះវាធ្វើឲ្យអ្នកកាន់តែរឹងមាំ និងពូកែ។