ឲ្យជីវិតកាន់តែមានន័យ និងគ្មានភាពតានតឹង ដូចនេះគួរធ្វើរឿង ៧ យ៉ាងបន្ថែម

2017-09-20 01:00:00
ចំនួនមតិ 0 | ចំនួនចែករំលែក 0

គ្មានមនុស្សណាម្នាក់មិនធ្លាប់ជួបភាពសប្បាយរីករាយទាល់តែសោះក្នុងជីវិត គ្រាន់តែមានតិច និងច្រើនប៉ុណ្ណោះ។ ដូចនេះដើម្បីឲ្យជីវិតកាន់តែមានន័យ និងជួបក្អាកក្អាយឡើងវិញ ហើយបំបាត់អារម្មណ៍តានតឹងចេញពីក្នុងខ្លួន ម្នាក់ៗគួរធ្វើរឿង ៧ យ៉ាងនេះបន្ថែមទៀត៖

១.ដកដង្ហើមខ្លាំងៗ ៥ ដង៖ ពេលមានអារម្មណ៍តានតឹងគួរធ្វើបែបនេះ ដោយនៅស្ងៀមហើយដកដង្ហើមខាំងយឺតៗ ដើម្បីឲ្យរាងកាយបានស្រូបខ្យល់អុកស៊ីហ្សែនចូលក្នុងឈាម។ ពេលនោះខួរក្បាល នឹងចាប់ផ្ដើមស្រឡះល្អ ហើយបាត់បង់ភាពតប់ប្រមល់។

២.រាំ៖ ការរាំអាចបំបាត់ទុក្ខកង្វល់របស់មួយបានមួយគ្រា ហើយក្រោយពីរាំចប់ខួរក្បាល និងរាងកាយនិងមានភាពស្រស់ស្រាយឡើយវិញ។

៣.ចាកចេញពីកន្លែងតានតឹងមួយរយៈ៖ នេះមិនមែនជាការរត់គេចឡើយ តែជាការដកឃ្លាទៅស្រូបដង្ហើមខ្យល់ពីបរិយាកាសខាងក្រៅបន្តិចសិន។ ពេលបានមើលឃើញទេសភាពនៅឆ្ងាយពីបញ្ហា មនុស្សក៏ចាប់ផ្ដើមធូរស្រាលដែរ។

៤.ហិតក្លិនក្រអូបៗ៖ ក្លិនក្រអូបដូចក្លិនផ្កាឡាវេនឌឺ ឬផ្កាម្លិះ អាចធ្វើឲ្យរាងកាយមានកម្លាំងឡើងវិញយ៉ាងឆាប់រហ័ស។ មិនតែប៉ុណ្ណោះអារម្មណ៍តានតឹង នឹងស្រស់ថ្លាវិញភ្លាម ឲ្យតែបានហិតក្លិនក្រអូបៗរួច។

៥.សើច៖ ការសើចសប្បាយ ងាយនឹងធ្វើឲ្យមនុស្សដែលកំពុងមានបញ្ហា ឆាប់បានរសាយណាស់។ គ្រាន់តែសើចខ្លាំងៗ ជួយបណ្ដេញបញ្ហាកកស្ទះក្នុងខួរក្បាលបានយ៉ាងរហ័ស ព្រោះការសើចអាចជំរុញខួរក្បាលឲ្យបញ្ចេញអង់ដូហ្វីន។

៦.ស្ដាប់តន្ត្រី៖ ការសិក្សាមួយបញ្ជាក់ថា គ្រាន់តែស្ដាប់តន្ត្រីដែលចូលចិត្តវានឹងបំបាត់ភាពស្មុគស្មាញ ហើយអារម្មណ៍ល្អនឹងមានឡើងវិញ ថែមទាំងបន្ថយសម្ពាធឈាមទៀតផង។

៧.ញ៉ាំស្ករកៅស៊ូ៖ ទំពាស្ករកៅស៊ូ ឬស្ករគ្រាប់អាចធ្វើឲ្យអ្នកមានអារម្មណ៍ស្រស់ថ្លា។ លើសពីនេះទៀតការសិក្សាវិទ្យាសាស្ត្រមួយក៏បានចង្អុលបង្ហាញផងដែរថា ការទំពាស្ករកៅស៊ូនឹងកាត់បន្ថយកំរិតអ័រម៉ូនភាពតានតឹងនៅក្នុងខ្លួន៕

ចុចអាន៖វិធីសាស្ត្រធ្វើឲ្យខ្លួនឯងក្លាយជាមនុស្សកាន់តែជោគជ័យដោយមិនបាច់ពឹងអ្នកណា

ប្រភព៖ Kapook ប្រែសម្រួល៖ ទ្រី រ៉ាវី