សញ្ញាទាំង៥បង្ហាញថាម្នាក់ហ្នឹងហើយជាគូព្រេង គូជីវិតរបស់យើង
- 2017-09-13 04:08:53
- ចំនួនមតិ 0 | ចំនួនចែករំលែក 0
សញ្ញាទាំង៥បង្ហាញថាម្នាក់ហ្នឹងហើយជាគូព្រេង គូជីវិតរបស់យើង
រូបសម្បត្តិ ឬក៏ឋានៈសក្ដិសម ឬក៏គ្រាន់តែមានអារម្មណ៍ថាស្រឡាញ់គ្នាប្រហែលមិនទាន់គ្រប់គ្រាន់នោះទេសម្រាប់ការជ្រើសរើសនរណាម្នាក់ជាគូជីវិតរបស់យើង។ យ៉ាងណាមិញបើសិនមនុស្សដែលអ្នកស្រឡាញ់មានសញ្ញាមួយចំនួនខាងក្រោមនេះ នោះនឹងអាចបញ្ជាក់បានហើយថាគាត់អាចរួមជីវិតជាមួយយើងបាន៖
សញ្ញាទី១៖ អាចទ្រាំលំបាកជាមួយយើងបាន
គាត់មិនរួញរានឹងរង់ចាំជួយយកអាសាយើងពេលយើងលំបាក។ គាត់តែងបង្ហាញឲ្យឃើញថាគាត់មានភាពអត់ធ្មត់តស៊ូគ្រប់យ៉ាងដើម្បីយើង។ នោះហើយជាសញ្ញាដែលអាចបង្ហាញថាគាត់នឹងអាចមើលថែយើងបានយ៉ាងល្អទៅអនាគត។
សញ្ញាទី២៖ ចងចាំរឿងគ្រប់យ៉ាងរបស់យើង
បែបនេះហៅថារ៉ូមែនទិកខ្លាំងបំផុត។ បើគាត់អាចចងចាំបានទាំងអស់ថាយើងចូលចិត្តអ្វីខ្លះ ស្អប់អ្វី ខ្លាចអ្វី ក៏បង្ហាញថាគាត់យកចិត្តទុកដាក់យើងព្រោះយើងជាមនុស្សសំខាន់របស់គាត់។
សញ្ញាទី៣៖ ចុះសម្រុងជាមួយគ្រួសារ និងមិត្តរបស់យើង
គាត់ជាមនុស្សដែលក្រុមគ្រួសារ សាច់ញាតិ បងប្អូន និងមិត្តភ័ក្ដិរបស់យើងអាចនិយាយជជែកគ្នាបានដោយមិនទើសទាល់ និងមានភាពស្និទ្ធស្នាលដូចក្រុមតែមួយ។ នេះជាសញ្ញាល្អមួយដែលបង្ហាញថា គាត់ចង់ចូលរួមជាចំណែកមួយដែរក្នុងជីវិតរបស់យើង។
សញ្ញាទី៤៖ ឈ្លោះគ្នា តែនិយាយគ្នាបាន
គ្រប់គូស្នេហ៍តែងមានរឿងឈ្លោះគ្នាជារឿងធម្មតា ប៉ុន្តែបើឈ្លោះគ្នាហើយអាចនៅនិយាយហេតុផលជាមួយគ្នាបាន មានការយោគយល់អធ្យាស្រ័យ ទទួលស្គាល់ចំណុចអាក្រក់ចំណុចល្អរៀងៗខ្លួនបាននោះ ក៏បង្ហាញថាស្នេហានេះរឹងមាំបានយូរអង្វែង។
សញ្ញាទី៥៖ ស្មោះត្រង់
ចំណុចនេះសំខាន់ណាស់សម្រាប់ជីវិតគូ។ បើមានភាពស្មោះស្ម័គ្រជាមួយគ្នា នោះនឹងធ្វើឲ្យយើងនិងគាត់អាចទុកចិត្តគ្នាទៅវិញទៅមកបាន ៕