ប្រជាជនកូរ៉េមិនយល់ស្របនឹងលទ្ធផលរាជិនីផ្សាយពាណិជ្ជកម្មថ្មីទាំង៣ឆ្នាំ២០១៧
- 2017-09-07 02:23:49
- ចំនួនមតិ 0 | ចំនួនចែករំលែក 0
ប្រជាជនកូរ៉េមិនយល់ស្របនឹងលទ្ធផលរាជិនីផ្សាយពាណិជ្ជកម្មថ្មីទាំង៣ឆ្នាំ២០១៧
អ្នកប្រើប្រាស់អ៊ីនធឺណិតកូរ៉េមិនយល់ថាហេតុអ្វីតារាចម្រៀងស្រី Seolhyun ត្រូវបានគេតម្រៀបឲ្យឈរស្មើនឹងតារាជួរមុខ Jun Ji Hyun និង Suzy បាន។
មុននេះបន្តិច បណ្ដាញព័ត៌មាន Ilgan Sports របស់កូរ៉េទើបតែបញ្ចេញតារាស្រីទាំង៣ដែលជាប់ឈ្មោះជារាជិនីផ្សាយពាណិជ្ជកម្មសម្រាប់ឆ្នាំ២០១៧។ តារាស្រីដែលមានឈ្មោះក្នុងតារាងនេះរួមមាន៖ តារាចម្រៀង និងសម្ដែង Seolhyun, Suzy និងតារាសម្ដែងស្រីចាស់វស្សា Jun Ji Hyun។
ខណៈមតិជាច្រើនបានលើកឡើងថា សមាជិកក្រុមចម្រៀង Miss A និងតួរឿង "សង្សារខ្ញុំជាមនុស្សភពផ្កាយ" ពិតជាស័ក្ដិសមនឹងដំណែងនេះមែន ក៏មានមតិមិនតិចដែរដែលលាន់មាត់ថា ស្រីស្អាតមកពីក្រុមចម្រៀង AOA មិនគួរនៅលំដាប់ជាមួយស្រីស្អាតទាំង២ទៀតនោះទេ ត្បិតនាងមានស្ប៉តច្រើនមែន តែមិនសូវមានគុណភាព និងលទ្ធផលដែលនាងទទួលបានស្ប៉តទាំងនេះគឺមកពីក្រុមហ៊ុននាងឡង់សេនាងខ្លាំងពេក មិនមែនមកពីសមត្ថភាពខ្លួនឯង៕