តិចនិករើសសំពត់ឱ្យសមរាងរៅ និងទាក់ទាញ
- 2017-09-05 06:59:09
- ចំនួនមតិ 0 | ចំនួនចែករំលែក 0
តិចនិករើសសំពត់ឱ្យសមរាងរៅ និងទាក់ទាញ
ការស្លៀកពាក់គឺជារឿងសំខាន់មួយសម្រាប់នារីៗរាល់ពេលចេញទៅក្រៅម្ដងៗ។ ដូច្នេះបើរើសសម្លៀកបំពាក់មិនសមនឹងដងខ្លួន វានឹងធ្វើឱ្យអ្នកមើលទៅបាត់ភាពទាក់ទាញជាមិនខាន។ មកមើលការជ្រើសសំពត់បែបណាឱ្យត្រូវនឹងរាងរៅរបស់អ្នកដូចខាងក្រោម៖
១- នារីមាឌតូចល្អិត៖
គួរស្លៀកសំពត់ខ្លីលើជង្គង់ ដើម្បីមើលទៅឃើញខ្ពស់បន្តិច ហើយគួរឱ្យស្រលាញ់។ អ្នកអាចស្លៀកសំពត់ខ្លី តឺនុយជាមួយអាវយឺត ឬអាវខ្លីចេញសាច់ក្បាលពោះបន្តិចក៏បាន។
២- នារីស្គមហើយខ្ពស់៖
សំពត់ម៉ាស៊ីគឺស័ក្ដិសមបំផុតសម្រាប់អ្នក ព្រោះវាវែងហើយរលុង ដែលអាចជួយបិទបាំងភាពស្គម មិនឱ្យមើលទៅឃើញខ្ពស់ខ្លាំងពេក។
៣- នារីដែលមានត្រគាក (ចង្កេះអង្ក្រង)៖
សំពត់រឹបរាងបែបការិយាល័យគឺជាជម្រើសដ៏ស្រស់ស្អាតបំផុតសម្រាប់អ្នក ដើម្បីបញ្ចេញរាងរៅដ៏ទាក់ទាញព្រោះពិនិត្យពីលើមក អ្នកមានផ្នែកចង្កេះតូចនិងរីកធំបន្តិចត្រង់ត្រគាកដែលជាទីចាប់អារម្មណ៍របស់អ្នកដទៃ។
៤- នារីដែលមិនសូវមានដើមទ្រូង តែមានត្រគាក៖
អ្នកគួរស្លៀកសំពត់រលុងៗ ប៉ុន្តែមិនត្រូវវែងដល់កែងជើងទេ។ គួរជ្រើសសំពត់ខ្លីក្រោមជង្គង់បន្តិចវិញទើបស័ក្ដិសមជាង។
៥- នារីធាត់ស្មើលើស្មើក្រោម៖
សំពត់ចង្កេះវែង ហើយរលុងៗនឹងអាចជួយបិទបាំងចង្កេះដ៏ធំរបស់អ្នកបាន។ គួរជ្រើសសំពត់ខ្លីក្រោមជង្គង់ដូចនារីខាងលើ ហើយលេងម៉ូដជាមួយស្បែកជើងកែង វានឹងធ្វើឱ្យគេសូវចាប់អារម្មណ៍ថា អ្នកធាត់ពេក៕
ចុចអាន៖
ប្រជុំស្ទីលតែងខ្លួនដែលធ្វើឲ្យនារីទូទៅកាន់តែទាក់ទាញជាមួយស្បែកជើងពណ៌សាច់
នារីមិនសូវខ្ពស់ក៏ Cute បានតាមចិត្តជាមួយស្ទីលតែងខ្លួនខោខោវប៊យជើងខ្លី ៣០ម៉ូដ