រមួលក្រពើយប់ៗ ការពិតមកពីមូលហេតុអីចឹងសោះ!

2017-07-26 11:07:00
ចំនួនមតិ 0 | ចំនួនចែករំលែក 0

ការរមួលក្រពើ គឺជាការកន្ត្រាក់ខ្លាំងមួយរំពេច ដែលមិនមានចេតនានៃសាច់ដុំមួយ ឬច្រើន។ ទោះបីវាអាចបង្កគ្រោះថ្នាក់តិចតួចក៏ដោយ ប៉ុន្តែ ជាទូទៅ ការរមួលក្រពើអាចធ្វើឲ្យអ្នកមិនអាចប្រើសាច់ដុំដែលទទួលរងផលប៉ះពាល់ម្តងម្កាលផងដែរ។ ការធ្វើលំហាត់ប្រាណ ឬការប្រើកម្លាំងកាយយូរពេក ជាពិសេស នៅក្នុងអាកាសធាតុក្តៅ អាចនាំអោយមានការមួលក្រពើបាន។ ថ្នាំ និងបញ្ហាសុខភាពមួយចំនួន ក៏អាចបណ្តាលឲ្យមានការរមួលក្រពើដែរ។ ជាធម្មតា អ្នកអាចព្យាបាលការរមួលក្រពើដោយខ្លួនឯងបាន ជាមួយនឹងវិធានការថែទាំសុខភាពងាយៗ។

ជំហានខាងក្រោមនេះ អាចជួយការពារមិនអោយមានការរមួលក្រពើបាន ៖

ញ៉ាំទឹកឲ្យបានច្រើន ៖ ចូរទទួលទានទឹកឲ្យបានច្រើនជារៀងរាល់ថ្ងៃ។ ចំនួនពិតប្រាកដ គឺអាស្រ័យទៅលើអ្វីដែលអ្នកបរិភោគ ភេទ កម្រិតនៃសកម្មភាពដែលអ្នកធ្វើ អាកាសធាតុ សុខភាព អាយុ និងថ្នាំណាមួយដែលអ្នកបានប្រើ។ សារធាតុរាវជួយឲ្យសាច់ដុំរបស់អ្នកកន្ត្រាក់ និងសម្រាក ហើយរក្សាឲ្យកោសិកាសាច់ដុំមានជាតិទឹកគ្រប់គ្រាន់ និងមិនងាយមានការរលាក។ ក្នុងអំឡុងពេលធ្វើសកម្មភាព សូមបំពេញសារធាតុរាវនៅចន្លោះពេលសម្រាកឲ្យបានទៀងទាត់ និងបន្តញ៉ាំទឹក ឬសារធាតុរាវផ្សេងទៀត បន្ទាប់ពីអ្នកបានបញ្ចប់សកម្មភាពទាំងនោះ។

ធ្វើឲ្យសាច់ដុំរបស់អ្នករឹងមាំ ៖ បន្តឹងសាច់ដុំមុនពេល និងបន្ទាប់ពីអ្នកប្រើសាច់ដុំណាមួយក្នុងរយៈពេលយូរ។ ប្រសិនបើអ្នកហាក់ដូចជាមានការឈឺចាប់ជើងនៅពេលយប់ ដូច្នេះ មុនពេលចូលគេង សូមបន្តឹងសាច់ដុំ។ ការធ្វើលំហាត់ប្រាណស្រាលៗ ដូចជាការធាក់កង់ប៉ុន្មាននាទីមុនពេលចូលគេង ក៏អាចជួយបង្ការការឈឺចាប់ ខណៈពេលដែលអ្នកកំពុងគេងផងដែរ៕

ប្រភព៖ health.com.kh