ជីវិតស្នេហាកាន់តែស្រស់បំព្រង បើសិនជាមនុស្សស្រីអាចបញ្ឈប់រឿងទាំងអស់នេះ

2017-06-14 02:54:02
ចំនួនមតិ 0 | ចំនួនចែករំលែក 0

ពេលដែលស្រឡាញ់គ្នា មានរឿងជាច្រើនដែលអ្នកត្រូវយល់ ហើយគិតមុននឹងធ្វើអ្វីមួយ ព្រោះវាអាចជះឥទ្ធិពលមិនល្អដល់ស្នេហារបស់អ្នក។ ដោយឡែកដើម្បីឲ្យជីវិតស្នេហាមានភាពរីករាយ និង មានសេចក្ដីសុខអ្នកគួរតែបញ្ឈប់រឿងទាំងនេះ ៖

១. ប្រចណ្ឌសូម្បីតែរឿងតូចតាច ៖ ប្រចណ្ឌគឺជារឿងទូទៅរបស់មនុស្សស្រីទៅហើយ ប៉ុន្តែបើប្រចណ្ឌជ្រុលក៏វាមិនជួយអីដែរ ក្រៅពីឈ្លោះគ្នា និង មិនសប្បាយចិត្តតែប៉ុណ្ណោះ ដូច្នេះរឿងខ្លះបើអត់បានគួរតែអត់ទៅ។

រូបតំណាង

**២. ទាមទារពេលពីគាត់ទាំងអស់ ៖** មនុស្សប្រុសខុសពីមនុស្សស្រីបន្តិច គឺគាត់ចង់បានសេរីភាព និង ពេលវេលាផ្ទាល់ខ្លួន ដូច្នេះហើយអ្នកគួរតែឲ្យពេលគេខ្លះសម្រាប់ជីវិតផ្ទាល់ខ្លួន។

៣. គិតថាខ្លួនឯងត្រូវទាំងអស់ ៖ កុំអាងថាអ្នកជាស្រីគ្រប់យ៉ាងអ្នកត្រូវទាំងអស់នោះ បើសិនជាអ្នកខុសអ្នកគួរតែសុំទោស ហើយកុំរករឿងបន្ថែមទៀតអី ព្រោះគាត់ក៏ជាមនុស្សដូចអ្នកដែរ គាត់ក៏ចង់បានការលួងលោមពីអ្នកដូចគ្នា។

៤. និយាយរឿងមិនល្អប្រាប់អ្នកដទៃ ៖ ស្រឡាញ់គ្នាមិនគួរដើរនិយាយពីគ្នាទេ ទោះគាត់មិនល្អទាំងអស់ក៏កុំទៅនិយាយរឿងអ្នកទាំងពីរទៅប្រាប់គេ ព្រោះគេមិនអបអរអ្នកនោះទេ គេមានតែមើលងាយ សើចចំអកឲ្យអ្នកទៅវិញ ហើយធ្វើឲ្យគាត់កាន់តែស្អប់អ្នក។

រូបតំណាង

៥. រិះគន់គ្រប់រឿង ៖ កុំថាកុំស្ដីឲ្យគាត់គ្រប់រឿងគ្រប់ពេលអី ព្រោះគ្មានអ្នកណាចង់ស្ដាប់ពាក្យដែលគេស្ដីឲ្យនោះទេ ដូច្នេះអ្នកគួរតែប្រើភាសា និង លើកទឹកចិត្តគាត់ជាជាងស្ដីថាឲ្យគាត់។

បើថែបានអ្នកគួរតែថែ កុំឲ្យទាល់តែបាត់បង់ទើបសោកស្ដាយ ព្រោះអ្វីៗយើងមើលមិនឃើញនោះទេ៕

ប្រភព៖ relrules ប្រែសម្រួល៖ ផេង ផលធិតា