តើគួរចំណាយពេលបែបណាឱ្យមានតម្លៃមុនពេលបញ្ចប់ការសិក្សា?
- 2017-05-25 10:40:18
- ចំនួនមតិ 0 | ចំនួនចែករំលែក 0
តើគួរចំណាយពេលបែបណាឱ្យមានតម្លៃមុនពេលបញ្ចប់ការសិក្សា?
ជិតដល់ពេលបញ្ចប់ការសិក្សាហើយ អ្នកអាចនឹងចាប់ផ្តើមមានអារម្មណ៍ថា នឹកអនុស្សាវរីយ៍ចាស់ៗនិងពេលវេលារីករាយជាមួយមិត្តភក្តិកន្លងមក ។ អ៊ីចឹងគួរប្រើពេលវេលាដែលនៅសល់យ៉ាងម៉េច ឱ្យមានតម្លៃមុននឹងឈានជើងចាកចេញពីទ្រនំផ្តល់ចំណេះដឹងមួយនេះ ?
១. ធ្វើសកម្មភាពសប្បុរសធម៌៖ អ្នកអាចបរិច្ចាគជាថវិកា ឬសម្ភារៈផ្សេងៗដើម្បីបម្រើដល់ការប្រើប្រាស់នៅក្នុងសាលា ព្រោះវាអាចបន្សល់ជាអនុស្សាវរីរយ៍ដល់សិស្សប្អូនជំនាន់ក្រោយ ។
២. ចែករំលែកបទពិសោធន៍៖ ក្នុងនាមជាសិស្សច្បងដែលត្រៀមបញ្ចប់ការសិក្សា អ្នកគួរតែចែករំលែកបទពិសោធន៍ឱ្យសិស្សប្អូនបានដឹង ជាពិសេសអំពីគន្លឹះព្រមទាំងការជម្នះឧបសគ្គនានា ដែលកើតមានក្នុងអំលុងពេលនៃការសិក្សា ។
៣. ផ្សាភ្ជាប់ទំនាក់ទំនងជាមួយមិត្តចាស់៖ ក្នុងរយៈពេលនៃការសិក្សា អ្នកអាចនឹងមិនសូវខ្វល់ខ្វាយជាមួយមិត្តចាស់ទេ ពេលខ្លះយើងរៀនថ្នាក់ខុសគ្នាបានត្រឹមតែដើរកាត់ហើយញញឹមដាក់គ្នាតែប៉ុណ្ណោះ ។ ដូច្នេះអ្នកគួរផ្តល់ភាពស្និទ្ធស្នាលជាមួយពួកគេសារជាថ្មី តាមរយៈការដើរកម្សាន្តឬជប់លៀង ។
៤. ជួបជុំជាមួយគ្រូ៖ អ្នកនិងមិត្តរួមថ្នាក់ អាចរៀបចំពិធីជួបជុំសម្រាប់លោកគ្រូអ្នកគ្រូដែលធ្លាប់បង្រៀន ដើម្បីជាការដឹងគុណពួកគាត់។
៥. ផ្លាស់ប្តូរបរិយាកាសរីករាយ៖ អាចរៀបចំជាពិធីជប់លៀងជាមួយមិត្តភក្តិ ឬទៅកន្លែងណាលំហែកាយមុនបញ្ចប់ឆ្នាំសិក្សា ៕