ស្រីៗគួរចំណាំ បើមិត្តប្រុសមានសញ្ញាទាំងនេះ គេគ្មានថ្ងៃចង់រៀបការជាមួយយើងទេ
- 2017-04-29 07:30:16
- ចំនួនមតិ 0 | ចំនួនចែករំលែក 0
ស្រីៗគួរចំណាំ បើមិត្តប្រុសមានសញ្ញាទាំងនេះ គេគ្មានថ្ងៃចង់រៀបការជាមួយយើងទេ
គ្មានស្ត្រីណាចង់មានសម្ពន្ធភាពត្រឹមជាសង្សាររាប់ឆ្នាំដោយមិនចង់រៀបការមានអនាគតនោះទេ តែវាអាចជារឿងពិបាកបើមិត្តប្រុសចេះតែពន្យារពេល។ វាអាចទៅរួចដែលថាគាត់គ្មានចិត្តចង់រៀបការជាមួយយើងទេ។ ចំណុចទាំងនេះជាអ្វីដែលអ្នកអាចកត់សម្គាល់បាន៖
១. តែងពន្យារពេលម្ដងជាពីរដង៖ ពាក្យ «បងស្រឡាញ់អូន» ប្រហែលចេញពីមាត់គាត់ញឹកញយ តែបើរឿងរៀបការបែរជាផ្ទុយទៅវិញ។ ចេះតែនិយាយថាចាំពេលនេះ ឬពេលនោះឥតឈប់។
២. យើងមិនដែលបានជួបគ្រួសារខាងគាត់សោះ៖ បើពិតជាស្នេហាច្បាស់លាស់មែន គាត់គួរតែគ្មានបញ្ហាក្នុងការណែនាំយើងឲ្យគ្រួសារគាត់ស្គាល់ទេ។
៣. ពេលណែនាំយើងទៅនរណាម្នាក់ គាត់មិននិយាយពីទំនាក់ទំនងទេ៖ ឧទាហរណ៍ពេលជួបមិត្តភក្ដិ ឬ អ្នកស្គាល់គាត់តាមទីសាធារណៈ គាត់ដូចជាមិនចង់ឲ្យគេដឹងពីទំនាក់ទំនងនេះទេ ហើយប្រហែលណែនាំត្រឹមឈ្មោះយើងប៉ុណ្ណោះ។
៤. មិនខ្វល់ចង់ជួបមិត្តភ័ក្ដិ ឬគ្រួសារយើង៖ ជារឿងធម្មតាសម្រាប់អ្នកស្រឡាញ់គ្នាច្បាស់លាស់ដែលតែងចង់ស្គាល់សាច់ញាតិគ្នាទៅវិញទៅមក។ ប៉ុន្តែបើគាត់មិនខ្វល់រឿងនេះ យើងក៏គួរត្រៀមចិត្តហើយ។
៥. មិនដែលមានមុខយើងពេលបង្ហោះរូបម្ដងៗ៖ មិនថា Facebook ឬ Instagram គាត់ដូចជាព្យាយាមជៀសវាងមិនឲ្យគេដឹងពីគាត់នឹងយើងសោះ ជាពិសេសគឺមិត្តភ័ក្ដិស្រីៗគាត់តែម្ដង។
៦. ឲ្យតែនិយាយដល់រៀបការ គាត់ចេះតែបង្វែរដាន៖ វាជាការបញ្ចេញឲ្យដឹងថាគាត់មិនចង់ខ្វល់រឿងនេះទេ។
ដូចនេះស្រីៗ បើឃើញចំណុចទាំងនេះ វាជាការបញ្ជាក់ច្បាស់ហើយថាគាត់គ្មានចិត្តចង់រៀបការជាមួយយើងទេ។ គួរតែដល់ពេលសម្រេចចិត្តហើយថាបន្ត ឬ មិនបន្ត៕