ត្រូវម៉ាច់ហ្មង ផ្លែឈើ ១០ ប្រភេទនេះឆ្ងាញ់ហើយ ជំនួយដល់ស្បែកទៀត!
- 2017-04-13 03:12:47
- ចំនួនមតិ 0 | ចំនួនចែករំលែក 0
ត្រូវម៉ាច់ហ្មង ផ្លែឈើ ១០ ប្រភេទនេះឆ្ងាញ់ហើយ ជំនួយដល់ស្បែកទៀត!
ជឿថាអ្នកប្រាកដជាធ្លាប់ឮពីការញ៉ាំបន្លែ ឬផ្លែឈើអាចជំនួយសុខភាព ឬ សម្រស់ជាដើម ប៉ុន្តែតើអ្នកដឹងពីប្រភេទផ្លែឈើជំនួយស្បែកដែរទេ? ខាងក្រោមនេះជាផ្លែឈើ១០ប្រភេទ មិនត្រឹមតែឆ្ងាញ់ទេ តែថែមទាំងពូកែខាងជំនួយស្បែកទៀតផង៖
១. ផ្លែ Blueberries (ប្លូប័ររី)៖ សម្បូរជាតិ fiber (ហ្វាយប័រ) ព្រមទាំងវីតាមីន A និង C ដែលជាជំនួយដ៏ពិសេសសម្រាប់ស្បែក។
២. ផ្លែប៉ោម៖ ប្រភេទផ្លែប៉ោមក្រហមសម្បូរទៅដោយ collagen (កូឡាជែន) សម្រាប់ជួយស្បែកឲ្យស្រស់ស្អាត។
៣. ឪឡឹក៖ ជាផ្លែឈើពេញនិយម និងងាយរកទិញក្នុងស្រុកខ្មែរ។ ដោយសារមានរស់ជាតិឆ្ងាញ់ និងសម្បូរទៅដោយជាតិទឹក ដូចនេះគ្មានអ្វីត្រូវឆ្ងល់ទេដែលថាវាជាជម្រើសដ៏សក្ដិសមបំផុតសម្រាប់ស្បែក។
៤. ផ្លែចេក៖ សម្បូរសារធាតុដែលជួយផ្ដល់សំណើមដល់ស្បែក។
៥. ម្នាស់៖ នៅក្នុងកាលៈទេសៈខ្លះ គេប្រើម្នាស់ជាថ្នាំព្យាបាលជំងឺទៀតផង។ ដោយសារវាសម្បូរ enzyme (អង់ហ្សីម) ហើយម្នាស់អាចប្រឆាំងនឹងការរលាក ឬហើមលើស្បែកបានយ៉ាងពូកែ។
៦. ផ្លែ Strawberries (ស្ត្រូប័ររី)៖ អាចប្រឆាំងនឹងកាំរស្មី UV ព្រមទាំងភាពជ្រីវជ្រួញបាន។
៧. ល្ហុង៖ សម្បូរវីតាមីន A និងអង់ហ្សីម papain ដែលអាចកម្ចាត់កោសិកាងាប់ចេញ និងជំរុញការលូតលាស់របស់កោសិកាថ្មីៗ។
៨.ផ្លែ Kivi (គីវី)៖ ផ្ទុកទៅដោយវីតាមីន C ដែលជាសារធាតុសំខាន់ជួយស្បែកឲ្យមានពន្លឺ និងរស់រវើក។
៩. ផ្លែទទឹម៖ ដូចទៅនឹងផ្លែ ប្លូប័ររី ដែរ វាមានសមត្ថភាពខ្ពស់ក្នុងការជំនួសកោសិកាថ្មីៗ។
១០. ផ្លែ Cherries (ឈើរី)៖ ក៏ជាជំនួយដ៏ពូកែក្នុងការពន្យារភាពចាស់ដែរ៕