បើចរិតផ្ទុយគ្នាស្រឡះពីមិត្តប្រុសចឹង គួរធ្វើម៉េចល្អ?
- 2017-03-14 09:49:48
- ចំនួនមតិ 0 | ចំនួនចែករំលែក 0
បើចរិតផ្ទុយគ្នាស្រឡះពីមិត្តប្រុសចឹង គួរធ្វើម៉េចល្អ?
តើចរិតខុសគ្នាអាចនាំឲ្យបែបបាក់ស្នេហាមែនទេ? គួរធ្វើយ៉ាងណាបើមនុស្សស្រឡាញ់គ្នាតែចរិតផ្ទុយគ្នាស្រឡះ? កុំបារម្ភ! មិនបាច់ត្រូវបែកគ្នាទេ ព្រោះមានវិធីអាចដោះស្រាយបាន៖
១. រៀនសម្របសម្រួល៖ ឧទាហរណ៍ម្នាក់ចូលចិត្តរឿងមនោសញ្ចេតនា ម្នាក់ចូលចិត្តរឿងកាប់ចាក់។ ជម្រើសល្អគឺត្រូវចេះសម្របសម្រួលគ្នាដើម្បីឲ្យទាំងពីរនាក់សប្បាយចិត្ត ហើយបានចំណាយពេលជាមួយគ្នា។ នេះបានន័យថាពេលខ្លះយើងទៅមើលរឿងដែលគាត់ចូលចិត្ត ហើយពេលខ្លះមើលរឿងដែលយើងចូលចិត្ត។
២. រៀនចូលចិត្តទម្លាប់របស់គាត់៖ មិនមែនឲ្យយើងផ្លាស់ប្ដូរទម្លាប់ខ្លួនឯង ១០០% ទេ តែឲ្យចេះយកចិត្តទុកដាក់ និងដឹងពីអ្វីដែលសង្សារចូលចិត្ត។ នេះអាចបញ្ជាក់ពីការយកចិត្តទុកដាក់របស់យើងទោះមិនអាចធ្វើដូចគាត់ក៏ដោយ។
៣. បង្កើតអនុស្សាវរីយថ្មីៗ៖ គួរតែដើរលេង ឬចំណាយពេលជាមួយគ្នាឲ្យបានច្រើនដើម្បីបង្កើតការចងចាំល្អៗឲ្យបានច្រើន។ វាមិនត្រឹមតែបង្កើនអនុស្សាវរីយ៍ផ្អែមល្ហែមប៉ុណ្ណោះទេ ថាមិនត្រូវអ្នកទាំងពីរអាចរកឃើញរឿងខ្លះដែលមានចំណូលចិត្តដូចគ្នាទៀតផង។
៤. តើអ្វីដែលសំខាន់បំផុតសម្រាប់អ្នកទាំងពីរ?៖ គាត់មានលក្ខណៈខុសពីយើងមែន តែគាត់ស្រឡាញ់យើង ចេះធ្វើឲ្យយើងសើច ហើយយើងតែងសប្បាយចិត្តពេលនៅជាមួយគាត់។ តើទាំងនេះសំខាន់ដែរទេ? បើមែន គ្មានអ្វីដែលយើងត្រូវស្ទាក់ស្ទើរឡើយ។
ស្នេហាតែងមានបញ្ហា តែបើអ្នកច្បាស់ថាអ្នកនឹងសង្សារពិតជាស្រឡាញ់គ្នាមែន មិនចាំបាច់ត្រូវបែកគ្នាដោយសាររឿងនេះទេ។ វាតែងតែមានផ្លូវដោះស្រាយជានិច្ច៕