ហេតុអ្វីក៏ស្រីៗឥឡូវចូលចិត្តសាក់ចិញ្ចើម?

2017-02-16 07:22:51
ចំនួនមតិ 0 | ចំនួនចែករំលែក 0

មួយរយៈចុងក្រោយនេះស្រីៗចូលចិត្តសាក់ ឬគេហៅថាផ្លុំចិញ្ចើម មិនថាចាស់ក្មេងនោះទេ ពេញនិយមតែម្តងសាក់ចិញ្ចើមនេះ មកពីមូលហេតុអ្វីទៅ? តោះអានអត្ថបទខាងក្រោម តើនារីប៉ុន្មាននាក់ដែលកញ្ញាបានជួបនោះនិយាយថាម៉េចខ្លះពាក់ព័ន្ធរឿងនេះ?

នារី៥នាក់ដែលបានសាក់ចិញ្ចើម ប្រាប់មកកញ្ញាថា «សាក់ចិញ្ចើមឈឺខ្លាំងណាស់ តែទ្រាំបានដើម្បីស្អាត ហើយដំបូងហើម មើលទៅអាក្រក់ ទើសៗនៅពេលមើលកញ្ចក់មិនចង់ហ៊ានមើលមុខខ្លួនឯង ដល់បានមួយខែពីរទៅស្អាតហើយ»។

ស្ត្រីវ័យកណ្តាល២នាក់ ប្រាប់ថា ពួកគាត់សាក់ចិញ្ចើមមកពីរោមចិញ្ចើមស្តើងតាំងពីកំណើត ដល់ពេលគូសចិញ្ចើមញឹកញាប់រឹតតែជ្រុះរោមអស់ ធ្វើឲ្យគាត់ពិបាកគូសចិញ្ចើមរាល់ពេលចេញក្រៅផ្ទះ មានតែសាក់ចិញ្ចើមបែបនេះគឺស្រួល មិនហត់គូសចិញ្ចើមវៀច ឬមិនស្មើគ្នា មកទល់ពេលនេះគាត់សាក់ចិញ្ចើម២ដងហើយ។

រូបតំណាង

នារីវ័យកណ្តាល៣នាក់ទៀត និយាយថា ឃើញគេសាក់ ឬផ្លុំចិញ្ចើមស្អាត ក៏ចង់ធ្វើតាមគេ ហើយម៉្យាងពួកគេមិនសូវប្រសប់គូសចិញ្ចើមផង។ ម្នាក់ក្នុងនោះប្រាប់ថា ខ្លួនធ្លាប់ផ្លុំហើយអត់ស្អាតព្រោះជាងមិនសូវជំនាញ ក៏ឲ្យគេលុបចេញវិញ ហើយប្តូរកន្លែងថ្លៃបន្តិចតែធ្វើស្អាត សមនឹងមុខ ចិញ្ចើមមិនក្រាស់ពេក ឬស្តើងពេក។

វតី្ត នារីវ័យក្មេងម្នាក់ ប្រាប់ថា ការកែសម្ផស្សនេះគឺធ្លាប់ខ្លួនឲ្យតែបានកែនេះហើយ ចង់កែនោះចុះឡើងៗ សមនឹងបច្ចុប្បន្នគេនិយមចិញ្ចើមក្រាស់ទៀត ចង់មិនចង់អ្នកមិនសូវមានរោមចិញ្ចើមទៅសាក់ហើយ៕

ចុះអ្នកវិញ មានចង់សាក់ ឬផ្លុំចិញ្ចើមដែរឬទេ?

អត្ថបទៈ ជូ ជូ