អ្វីជាអាថ៌កំបាំងថែរក្សាសម្រស់ស្ត្រីជនជាតិបារាំងឲ្យក្មេងជាងវ័យ?
- 2017-01-17 08:45:56
- ចំនួនមតិ 0 | ចំនួនចែករំលែក 0
អ្វីជាអាថ៌កំបាំងថែរក្សាសម្រស់ស្ត្រីជនជាតិបារាំងឲ្យក្មេងជាងវ័យ?
ស្ត្រីជនជាតិបារាំងមានភាពល្បីល្បាញខាងពូកែថែរក្សាស្បែក និងសម្ផស្សរបស់ពួកគេ។ មិនតែប៉ុណ្ណោះ ពួកគេក៏រស់នៅបានយូរផងដែរ។ តើពួកគេមានអាថ៌កំបាំងអ្វីដើម្បីរក្សាសម្រស់ប្រឆាំងនឹងភាពចាស់បាន?
១. ចេះរបៀបញ៉ាំស្រា៖ ដូចយើងដឹងហើយថាជនជាតិបារាំងចូលចិត្តផឹកស្រាណាស់ ជាពិសេសគឺស្រាក្រហម ឬស្រាទំពាំងបាយជូ តែគេមិនមែនផឹកជាទម្លាប់ដល់ញៀនហើយប៉ះពាល់ដល់បេះដូង, ស្បែក, សក់ និងធ្វើឲ្យអាយុខ្លីទេ។ របៀបផឹកស្រាដែលផ្ដល់ប្រយោជន៍ខ្ពស់គឺការក្រេបបន្តិច ហើយគ្រលាស់អណ្ដាត រីករាយជាមួយរស់ជាតិរបស់វា។ គេចាត់ទុកវាជាការកម្សាន្តមួយបន្ទាប់ធ្វើការបំពេញការងារពេញមួយថ្ងៃ។
**២. ចេះរបៀបញ៉ាំអាហារ៖** ញ៉ាំអាហារគឺជារឿងដែលគេធ្វើតាមសម្រួល។ ក្រពះរបស់យើងត្រូវការពេល២០នាទីដើម្បីបញ្ជូនព័ត៌មានទៅខួរក្បាលថាយើងឆ្អែត។ ដូចនេះ គេមិនញ៉ាំអាហារមុខទូរទស្សន៍ ឬញ៉ាំដោយបង្ខំទេព្រោះវាជាទម្លាប់មិនល្អ។
៣. ថែរក្សាស្បែកបរិវេណទ្រូង៖ ស្ត្រីជាច្រើនតែងយកចិត្តទុកដាក់តែលើស្បែកមុខ ឬស្បែកត្រង់ ក ដោយមិនបានចាប់អារម្មណ៍លើបរិវេណទ្រូងទេ។ ចំពោះស្ត្រីបារាំងវិញ គឺគេតែងគិតគូរចំណុចនេះជានិច្ចដោយជ្រើសរើសការប្រើសារធាតុចិញ្ចឹមល្អៗ។
៤. ទូទឹកកកត្រូវតែស្អាតជានិច្ច៖ ទូទឹកកកជាកន្លែងដែលបាក់តេរីអាចលូតលាស់បានលឿនបំផុត ដែលអាចប៉ះពាល់ដល់សុភាព បើមិនសម្អាតវា។
៥. ពាក់វ៉ែនតាការពារកម្ដៅថ្ងៃ៖ ភ្នែកគឺជាអ្វីដែលពួកគេតែងយកចិត្តទុកដាក់ ហើយវាជាទម្លាប់ទៅហើយក្នុងការពាក់វ៉ែនតាការពាររាល់ពេលចេញក្រៅម្ដងៗ។
៥. ហាត់ប្រាណ៖ ជនជាតិបារាំង ពេញនិយមហាត់ប្រាណក្នុងទឹក ដោយគេចាត់ទុកថាជាវិធីល្អបំផុត។
៦. ញ៉ាំខ្ទឹមបារាំង៖ ពួកក៏ចូលចិត្តញ៉ាំខ្ទឹមបារាំងណាស់ដែរ ព្រោះវាមានសារធាតុជួយដល់សម្រស់។ មិនតែប៉ុណ្ណោះ ខ្ទឹមបារាំងថែមទាំងជួយការពារជំងឺមហារីកមួយចំនួនដូចជាមហារីកសុដន់ទៀតផង។
៨. ចេះរើសខ្នើយគេងត្រឹមត្រូវ៖ ការគេងមិនលក់គឺប៉ះពាល់ដល់សម្រស់ខ្លាំងណាស់។ ដូចនេះ ការជ្រើសរើសខ្នោយគេងឲ្យបានត្រឹមត្រូវជារឿងសំខាន់។