រឿងស្មានមិនដល់ដែលមិនកើតឡើងសោះ តែនឹងកើតឡើងក្រោយពេលអ្នករៀបការរួច
- 2019-11-19 02:40:00
- ចំនួនមតិ 0 | ចំនួនចែករំលែក 0
រឿងស្មានមិនដល់ដែលមិនកើតឡើងសោះ តែនឹងកើតឡើងក្រោយពេលអ្នករៀបការរួច
ក្រោយពេលរៀបការរួច ជីវិតអ្នកនឹងផ្លាស់ប្ដូរ ហើយមានរឿងជាច្រើននឹងកើតឡើងដែលអ្នកនឹកស្មានមិនដល់។
**១. ចំណាយកើនឡើងលើសលប់**
ពេលអ្នកនៅលីវ ចំណូលរបស់អ្នកគឺសម្រាប់ការហូបចុក ចាយវាយទូទៅដោយមិនសូវគិតអ្វីច្រើន។ តែក្រោយការ ចំណាយជាច្រើនត្រូវកើតឡើងដូចជា អ្នកត្រូវរំលស់ផ្ទះ រំលស់ឡាន ទិញអំណោយឲ្យញាតិសងខាង។ ប្រសិនបើអ្នកគ្មានគំរោងការច្បាស់លាស់ទេ នោះអ្នកនឹងចំណាយលើសចំណូលមិនខាន។
២. ជជែករឿងយកកូន
មុនពេលអ្នករៀបការ ប៉ាម៉ាក់ប្រាកដជាមិនអាចបង្ខំឲ្យយើងមានកូនបានឡើយ យ៉ាងណាក្ដី ក្រោយការរួច មិនយូរមិនឆាប់ ញាតិមិត្តសងខាងប្រាកដជាសួររឿងនេះមិនខាន ហើយសម៉ីខ្លួនយើងផ្ទាល់ ក៏នឹងចាប់ផ្ដើមជជែកពីរឿងនេះជាក់ជាមិនខាន។
៣. ការឈ្លោះគ្នានឹងត្រូវបានដោះស្រាយលឿនៗ
ការឈ្លោះគ្នាពេលមានគ្រួសារហើយ គឺខុសពីពេលនៅជាសង្សារ ដែលយើងតែងតែចាំឲ្យភាគីម្ខាងទៀត មកលួងយើង តែពេលក្លាយជាប្ដីប្រពន្ធនៅផ្ទះតែមួយហើយ យើងមិនសូវខ្វល់ថាអ្នកណាលួងមុនទេ ព្រោះមានរឿងច្រើនទៀតត្រូវគិត។
៤. មិនសូវមានពេលវេលាផ្ទាល់ខ្លួន
ក្រោយពេលការរួច ប្ដីប្រពន្ធ ត្រូវចូលរួមក្នុងកម្មវីធីជាច្រើនរបស់គ្រួសារទាំងសងខាង។ ក្រៅពីនោះ បើកាលពីមុន អ្នកត្រូវទៅស្រុកតែមួយ ដែលជារបស់ខ្លួននោះ នៅពេលនេះរាល់បុណ្យទានគឺត្រូវស្រុក២។ នេះមិនទាន់គិតថា អ្នកមានកូនផង បើមានកូនទៀត គឺពេលវេលាសម្រាប់ខ្លួនឯងគឺសូន្យតែម្ដង៕
ចុចអាន៖ ផ្លូវស្នេហា សួរថាមានអ្នកណាដើរតែម្ដងហើយដល់គោលដៅតែម្ដងនោះ?