គ្មានលិខិតផ្ទេរមរតក ទ្រព្យសម្បត្តិរាប់លាន និងភូមិគ្រឹះរបស់ Sulli អ្នកណានឹងស្នង?
- 2019-10-26 01:00:00
- ចំនួនមតិ 0 | ចំនួនចែករំលែក 0
គ្មានលិខិតផ្ទេរមរតក ទ្រព្យសម្បត្តិរាប់លាន និងភូមិគ្រឹះរបស់ Sulli អ្នកណានឹងស្នង?
ដោយសារប៉ូលិសមិនបានរកឃើញលិខិតអ្វីទាំងអស់នៅពេលតារាចម្រៀង Sulli ទទួលមរណភាពដូចនេះ នៅពេលនេះទស្សនិកកំពុងមានចម្ងល់ថាអ្នកណានឹងទទួលបានមរតករបស់នាង។
មុននេះបន្តិច បណ្ដាញព័ត៌មាន QQ បានបញ្ចេញអត្ថបទទាក់ទងនឹងអតីតតារាចម្រៀង Sulli។ ក្រោយបុណ្យសពដ៏ក្រៀមក្រំរបស់នាង បញ្ហាអ្នកស្នងមរតករបស់នាងនៅតែមានចម្ងល់ដដែល។
តាមទិន្នន័យរបស់បណ្ដាញព័ត៌មានកូរ៉េ ក្រៅពីលុយផ្ញើនៅធនាគារ ព្រមទាំងលុយសុទ្ធ ក៏ដូចជាគ្រឿងអលង្ការ Choi Sulli នៅមានភូមិគ្រឹះមួយទៀតនៅតំបន់ Seongnam ដែលមានតម្លៃយ៉ាងទាបបំផុត ៥លានដុល្លារ។ ក្រៅពីនោះ ក្រោយពេលចាកចេញពីក្រុមចម្រៀង ចំណូលរបស់នាងក៏ខ្ពស់ដូចគ្នាដោយរកបានប្រមាណ១លានដុល្លារក្នុង១ឆ្នាំ។
ក្រោយពេលធ្វើការកោសល្យវិច័យ គេមិនបានរកឃើញលិខិតផ្ទេរមរតកនោះឡើយ ដែលជាហេតុគេមិនដឹងថាអ្នកណានឹងស្នងមរតកទាំងនេះ។ ទោះបីជាមិនសូវចែករំលែកពីគ្រួសារក៏ដោយ តែក្រៅពីយាយតា ឪពុកម្ដាយ អតីតតារាស្រីរូបនេះនៅមានបងប្អូនប្រុស២នាក់ទៀត ដោយម្នាក់ធំជាងនាង៤ឆ្នាំ និងម្នាក់ទៀតតូចជាងនាង១ឆ្នាំ។ យោងតាមច្បាប់របស់កូរ៉េ ឲ្យតែជាសមាជិកក្នុងគ្រួសារ មិនគិតពីជំនាន់ សុទ្ធតែអាចស្នងមរតកបានទាំងអស់។ ដូចនេះគេរំពឹងថា អ្នកទាំងអស់ខាងលើសុទ្ធតែអាចស្នងមរតកបានទាំងអស់៕
ចុចអាន៖ Song Hye Kyo រងការរិះគន់ខ្លាំងពាក់ព័ន្ធរឿងកុហកនឹងការកាន់ទុក្ខរបស់ Sulli