សង្សារចាស់ស្រាប់តែបង្ហាញខ្លួន មិត្តស្រីឆ្លាតនឹងប្រើវិធីនេះដើម្បីទប់ទល់
- 2019-10-22 11:10:00
- ចំនួនមតិ 0 | ចំនួនចែករំលែក 0
សង្សារចាស់ស្រាប់តែបង្ហាញខ្លួន មិត្តស្រីឆ្លាតនឹងប្រើវិធីនេះដើម្បីទប់ទល់
បញ្ហាស្នេហានឹងកើតឡើង បើនៅពេលសង្សារចាស់របស់មិត្តប្រុស សុខៗបង្ហាញខ្លួនទាំងដែលអ្នកនៅទាក់ទងគ្នានៅឡើយ។ នេះជារឿងឈឺចាប់ ព្រោះតើការបង្ហាញខ្លួននេះក្នុងន័យបែបណា គេចង់ត្រូវរ៉ូវគ្នាវិញ ឬយ៉ាងម៉េចឲ្យពិតប្រាកដ។ អ្នកច្បាស់ជាជ្រួលច្របល់ មិនដឹងថាត្រូវធ្វើបែបណាឲ្យសម ព្រោះចិត្តពេលនេះកំពុងមានរឿងរញ៉េរញ៉ៃចូលមកជីវិត។ អ្នកអាចដោះស្រាយបាន ដោយវិធីទាំងនេះ៖
**១. កុំគិតច្រើនពេក**
ជាដំបូង អ្នកត្រូវតែស្ងប់ស្ងាត់មើលស្ថានការណ៍សិន។ ហេតុអ្វីក៏សុខៗ អតីតមិត្តស្រីម្នាក់នោះបង្ហាញខ្លួន ? អ្នកមិនត្រូវសម្រេចចិត្តភ្លាមៗរករឿងសង្សាររបស់អ្នកទេ ។ កុំធ្វើឲ្យគាត់ឈឺចាប់ទាំងអ្នកមិនទាន់ដឹងរឿងរ៉ាវច្បាស់ នេះមិនបង្ហាញពីភាពចាស់ទុំនោះឡើយ។ ដូច្នេះត្រូវរង់ចាំមើលស្ថានការណ៍ជាមុនសិន។
២. មិនឆ្លើយតប មិនខ្ចីផុសបញ្ឈឺ
បើបើកភ្នែកឡើង ស្រាប់តែលោតសារពីអតីតមិត្តស្រីផ្ញើរមកអ្នក ដើម្បីឲ្យអ្នកខឹងឆេះឆួលនោះ សូមអ្នកកុំឆ្លើយតបឲ្យសោះ។ អ្វីដែលសំខាន់ អ្នកកុំបើកមើលហើយយូរទៅៗ ម្នាក់ស្រីនោះនឹងហត់ដោយខ្លួនឯង ហើយឈប់ផ្ញើរមកទៀតជាមិនខាន។ មួយទៀត អ្នកត្រូវតែធ្វើចិត្តឲ្យស្ងប់បំផុតមិនផុសឌឺដងដូចហែរកឋិននោះទេ។
៣. នៅជិតដិតនឹងសង្សារឲ្យបានច្រើនជាងមុន
បន្ថែមភាពផ្អែមល្ហែមនឹងសង្សាររបស់អ្នកឲ្យបានខ្លាំងជាងមុន ហើយប្រាប់គាត់ថា អ្នកស្រលាញ់គាត់ខ្លាំងណាស់។ លើសពីនេះ អ្នកត្រូវចេះយល់ពីគាត់ រួមទាំងភាពកក់ក្តៅ និងការរីករាយចំពោះទំនាក់ទំនងស្នេហាមួយនេះ។
៤. បង្ហាញទំនាក់ទំនងស្នេហាអ្នកដោយបើកចំហ
ដល់ពេលវេលាត្រឹមត្រូវមួយហើយ ដែលអ្នកត្រូវប្រាប់មនុស្សគ្រប់គ្នាថា បុរសម្នាក់នេះជាសង្សារអ្នក។ ដូច្នេះ អ្នកដទៃគ្មានសិទ្ធដណ្ដើមសង្សារអ្នកបានទេ កុំថាឡើយអតីតសង្សារ។
៥. អង្គុយតទល់ ហើយនិយាយឲ្យច្បាស់
ចំណុចនេះនៅពេលដែលអ្នកចង់ឲ្យមិត្តប្រុសពន្យល់ឲ្យច្បាស់លាស់ថាដំណើរដើមទងបែបណាវិញ។ ប្រសិនបើសង្សារចាស់ម្នាក់នោះធ្វើឲ្យអ្នកមានអារម្មណ៍កាន់តែមិនស្រណុកស្រួល អ្នកគួរសុំពេលវេលាមួយឲ្យមិត្តប្រុសអ្នកបកស្រាយ។
មនុស្សស្រីណាក៏ឈឺចាប់ដែរ នៅពេលដឹងថាសង្សារចាស់របស់មិត្តប្រុសនៅតែមករញ៉េរញ៉ៃមិនឈប់ជាមួយមិត្តប្រុសរបស់អ្នក។ យ៉ាងណាក៏ដោយ អ្នកត្រូវតែរឹងមាំ កុំទន់ជ្រាយតាមខ្យល់ដែលគេបក់។ ត្រូវតែមានទំនុកចិត្តលើមិត្តប្រុសអ្នក ជឿជាក់លើស្នេហាមួយនេះ នោះមិនអាចមានអ្នកណាចូលមកជ្រាជ្រែកស្នេហាមួយនេះបានឡើយ៕
ចុចអាន៖ ពេលសេពគប់គ្នាដំបូង ស្រីៗមិនគួរឲ្យខាងប្រុសដឹងរឿង ៥ យ៉ាង