មេរៀនឈឺចាប់ពីស្នេហាចាស់៥យ៉ាង អ្នកគួររៀនកុំឲ្យខកចិត្តម្តងទៀតពេលចាប់ផ្តើមស្នេហ៍ថ្មី
- 2019-06-21 10:00:00
- ចំនួនមតិ 0 | ចំនួនចែករំលែក 0
មេរៀនឈឺចាប់ពីស្នេហាចាស់៥យ៉ាង អ្នកគួររៀនកុំឲ្យខកចិត្តម្តងទៀតពេលចាប់ផ្តើមស្នេហ៍ថ្មី
ក្រោយជួបរឿងឈឺចាប់ ស្រីៗជាច្រើនមិនហ៊ានចាប់ផ្ដើមមានស្នេហាថ្មីនោះទេ ព្រោះខ្លាចជួបរឿងខកចិត្តម្ដងទៀត។ ខាងក្រោមនេះជាវិធីដែលជួយអ្នកបាន៖
១ ឈប់អើពើស្នេហាចាស់ទៀត
មិនខ្វល់ថាស្នេហាចាស់អ្នកធ្លាប់មានអនុស្សាវរីយ៍ដឹតដាមខ្លាំងកម្រិតណាទេ អ្នកត្រូវទទួលស្គាល់ថា វាចប់ហើយ។ កុំរង់ចាំរឿងដែលធ្វើឲ្យបេះដូងអ្នកឈឺចាប់ម្ដងទៀត ។ ត្រូវជឿជាក់លើខ្លួនឯង ក្រោយមានបទពិសោធន៍លើរឿងស្នេហាបែកបាក់ ហើយសន្យាថាមិនឲ្យរឿងទាំងនេះត្រលប់មកម្ដងទៀត។ កុំឲ្យឥទ្ធិពលស្នេហាចាស់គ្របដណ្ដប់លើអ្នក ឲ្យឈប់មើលឃើញមនុស្សប្រុសដទៃទៀត។
២. កុំដោយសារសង្សារចាស់ អ្នកគិតថាស្នេហាទាំងអស់សុទ្ធតែអាក្រក់
មែនហើយ អ្នកធ្លាប់ឈឺចាប់ខ្លាំងព្រោះរឿងស្នេហា។ ដោយសារបែបនេះ វាប៉ះទង្គិចលើផ្លូវអារម្មណ៍អ្នកជាខ្លាំង។ ប៉ុន្តែអ្នកភ្លេចហើយ ទោះបីជួបរឿងអាក្រក់ច្រើនក៏ដោយ អ្នកនៅតែអាចបន្តរស់នៅ និងថែមទាំងអាចចាប់ផ្ដើមស្នេហាជាមួយបុរសថ្មីទៀតផង។ លើកទឹកចិត្តខ្លួនឯងឲ្យចង់បន្តរស់នៅដើម្បីមនុស្សដែលស្រលាញ់អ្នកពិតប្រាកដ។ បើអ្នកមិនព្រមឈប់អាលោះអាល័យពីស្នេហាចាស់ទេ អ្នកគ្មានថ្ងៃទទួលបានស្នេហាបរិសុទ្ធថ្មីឡើយ ដូច្នេះត្រូវចេះរកឱកាសឲ្យខ្លួនឯង។
៣. កុំរំពឹងលើរឿងស្នេហាពេក
កំហុសដ៏ធំបំផុតរបស់មនុស្សស្រី តែងសង្ឃឹមថាមនុស្សប្រុសនឹងយកទុកដាក់នាងខ្លាំងដូចតួប្រុសក្នុងរឿងប្រលោមលោក ឬរឿងភាគកូរ៉េ។ អ្នកកាន់តែរំពឹង ភាពអស់សង្ឃឹមក៏កាន់តែមាន។ ដូច្នេះនៅពេលចាប់ផ្តើមស្នេហាថ្មី អ្នកមិនអាចទាមទារការយកចិត្តទុកដាក់ល្អឥតខ្ចោះដូចក្នុងរឿងបានឡើយ ។ ម្ល៉ោះហើយ កុំឲ្យខកចិត្តច្រើនដងទៀត ត្រូវគិតថាបើជួបរឿងមិនសមបំណង ត្រូវបើកចិត្តទូលាយ ទើបមិនសូវឈឺចាប់ ។
៤. យល់និងរៀនច្បាស់ពីគំនិតមនុស្សប្រុស
ក្រោយឆ្លងកាត់រឿងស្នេហាបរាជ័យម្ដង អ្នកនឹងយល់ច្បាស់ពីចិត្តគំនិតមនុស្សប្រុសថាពិបាកយល់ប៉ុណ្ណា។ ដូចនេះបើមានស្នេហាថ្មី អ្នកនឹងដឹងថាមនុស្សប្រុសមិនសូវពូកែរ៉ូមែនទិកទេ មិនសូវចេះទ្រមនុស្សស្រី ហើយអ្នកមានតែបណ្ដោយឲ្យគេធ្វើអ្វីដែលគេចង់ ទើបមិនសូវឈ្លោះគ្នា។
៥. កុំបំបិទខ្លួនឯងចោល
មានមនុស្សមិនតិចទេ មិនព្រមទទួលស្នេហាថ្មីក្រោយឈឺចាប់នឹងស្នេហាចាស់ពេក។ កុំបិទបេះដូងខ្លួនឯងចោលដោយសារតែមនុស្សប្រុសអាក្រក់ម្នាក់ ហើយមិនព្រមឲ្យបុរសផ្សេងចូលមកជីវិតអ្នក។ បើមនុស្សស្រពិចស្រពិលមិនចាកចេញ ធ្វើម្ដេចអ្នកអាចជួបនឹងស្នេហាពិត ដូច្នេះពេលបាត់គេម្នាក់ អ្នកមិនត្រូវបិទបេះដូងខ្លួនឯង ឲ្យគេមានមោទកភាពទេ។ យ៉ាងណាក៏ដោយ ស្នេហាថ្មីអាចទទួលយកបាន តែមិនត្រូវលឿនពេកឡើយ ដោយអ្នកគួរចំណាយពេលរៀនយល់ពីគ្នាឲ្យបានច្រើន ហើយអ្នកវិញដាច់ខាត ហាមនឹកសង្សារចាស់និងយកអ្នកថ្មីអ្នកចាស់ប្រៀបធៀបគ្នា។
មេរៀនស្នេហាពីអតីត ពេលខ្លះជារឿងល្អដែលអ្នកអាចសិក្សា កែតម្រូវនិងពង្រឹងឲ្យទំនាក់ទំនងលើកក្រោយល្អជាងមុន។ ពេលចាប់ផ្ដើមថ្មី អ្នកនឹងមិនជួបកំហុសដដែលៗ។ កុំបិទជីវិតខ្លួនឯងដោយសារតែមនុស្សប្រុសសាវាម្នាក់ ប៉ុន្តែត្រូវបើកចិត្តព្រមទទួលយកអ្នកថ្មី ដែលជាមនុស្សច្បាស់លាស់នឹងអ្នក៕
ចុចអាន៖ មនុស្សស្រីត្រូវចាំ! បើមិនចង់បាត់តម្លៃខ្លួនឯង កុំឲ្យឱកាសស្នេហាលើស២ដងទៅមនុស្សប្រុស