គួរទទួលស្គាល់ថាជាសង្សារទេ បើស្នេហា Private បែបនេះ?
- 2019-06-19 08:30:00
- ចំនួនមតិ 0 | ចំនួនចែករំលែក 0
គួរទទួលស្គាល់ថាជាសង្សារទេ បើស្នេហា Private បែបនេះ?
មនុស្សស្រី តើមានប៉ុន្មាននាក់ដែលចង់លាក់បាំងទំនាក់ទំនងស្នេហា? អាចនិយាយថា ស្ទើរតែគ្មានទេ។ បើទំនាក់ទំនងមួយធ្លាក់ក្នុងរណ្ដៅដែលត្រូវបិទបាំង លាក់លៀម វាមិនពិបាកឲ្យគេទាយទេ។ វាគ្រាន់តែជាឆាកកំប្លែងដែលបោកចិត្តប៉ុណ្ណោះ ។
ខាងប្រុសក៏ដូចខាងស្រី សុទ្ធតែទុកផ្លូវក្រោយដើរដូចគ្នា។ ជឿមែនទេ ថាប្រុសមិនក្បត់? ហើយទុកចិត្តមែនទេថាខាងស្រីស្មោះ? បើអ្នកនៅតែពិបាកសម្រេចចិត្ត សូមពិចារណាឡើងវិញ ថាគេធ្លាប់កុហកដែរទេ? គេធ្លាប់ចាកចេញទេ? ធ្លាប់មិនឃាត់អ្នកដែរទេ? ចម្លើយសុទ្ធតែធ្លាប់។ បើបែបនោះគិតទេថា គេស្រលាញ់អ្នកពិត? ស្របពេលមិនដែលណែនាំអ្នកឲ្យអ្នកណាស្គាល់? មិនដែលសូម្បីទទួលស្គាល់ថា គេទាក់ទងអ្នក? ការឈឺចាប់ យំស្ងាត់ៗ ភាពអស់សង្ឃឹមវានឹងនៅជាមួយអ្នកជារៀងរហូត ដរាបណាអ្នកអនុញ្ញាតឲ្យចំណងមួយនេះនៅក្នុងពិភពងងឹត។
សូមកុំយកពាក្យថា ស្រលាញ់មកដាក់ពីមុខអី ព្រោះថា ការស្រលាញ់មិនមែនជាការដែលត្រូវលាក់លៀម ត្រូវទុកចន្លោះសម្រាប់ដាក់ស្រីផ្សេងឬប្រុសផ្សេងទេ។ រឹតតែមិនអាច ទុកចន្លោះសម្រាប់ស្និទ្ធស្នាលនឹងអ្នកផ្សេងដូចគ្នា៕
ចុចអាន៖ ល្អបំផុតគឺនៅពេលមនុស្សស្រីស្រលាញ់ អាក្រក់បំផុតគឺនៅពេលមនុស្សស្រីអស់ចិត្ត