៤ ទេពកោសល្យរបស់មនុស្សប្រុសដែលធ្វើឲ្យមនុស្សស្រីលង់ស្រលាញ់ខ្លាំង

2019-06-11 03:00:00
ចំនួនមតិ 0 | ចំនួនចែករំលែក 0

ក្រៅពីមានរូបសម្បត្តិទាក់ទាញ ទេពកោសល្យផ្សេងៗរបស់មនុស្សប្រុសក៏ធ្វើឲ្យមនុស្សស្រីបាក់ចិត្តលើគេខ្លាំងផងដែរ។ ខាងក្រោមនេះគឺ ជំនាញពិសេសរបស់មនុស្សប្រុស ធ្វើឲ្យភាគីស្រីៗចាប់អារម្មណ៍យ៉ាងខ្លាំង។

១. លេងហ្គីតា

រូបតំណាង

រូបភាពមនុស្សប្រុសដៃដេញហ្គីតា គឺជារូបភាពដែលមនុស្សស្រីតែងស្រមៃដល់ជានិច្ច។ សកម្មភាពនេះ ធ្វើឲ្យពួកគេមើលទៅដូចជាពោរពេញទៅដោយមនោសញ្ចេតនា និងទាក់ទាញយ៉ាងចម្លែក។ បើបានខាងប្រុសលេងហ្គីតា ខាងស្រីច្រៀវវិញទៀតនោះ ពិតជាមិនអាចបំភ្លេចបានឡើយ។

២. ច្រៀងពីរោះ

រូបតំណាង

មិនចាំបាច់មានសំឡេងល្អឥតខ្ចោះនោះឡើយ ដោយមនុស្សប្រុសគ្រាន់តែមានសំឡេងដាក់មនោសញ្ចេតនាបន្តិច ធានាមនុស្សស្រីស្ដាប់ហើយក៏ចូលតួមិនធម្មតាដែរ។ ភាគច្រើនមនុស្សប្រុសដែលចេះច្រៀង តែងយកជំនាញនេះមកទាក់ទាញចំណាប់អារម្មណ៍។

៣. ចេះធ្វើម្ហូប

រូបតំណាង

វិធីដែលលឿនបំផុតដើម្បីយកបេះដូងមនុស្សស្រីនោះគឺ តាមរយៈក្រពះនេះឯង។ គ្រាន់តែចេះធ្វើមុខម្ហូបប៉ុន្មានមុខដែលសង្សារខ្លួនចូលចិត្តញ៉ាំ ធានាថាខាងស្រីប្រាកដជាលែងចង់ទៅញ៉ាំក្រៅតែម្ដង គឺចង់តែញ៉ាំរបស់ដែលមនុស្សខ្លួនស្រលាញ់ចំអិនឲ្យ។

៤. ថតរូបស្អាត

រូបតំណាង

សម័យនេះទៅហើយ បើអ្នកណារកបានសង្សារម្នាក់ដែលថតរូបស្អាតនោះ គឺស្រលាញ់ស្លាប់ចោលតែម្ដង។ គ្រាន់តែស្រមៃថាទៅណាមកណា មានអ្នកចាំថតរូបឲ្យស្អាតៗ គឺធ្វើឲ្យខាងស្រីរំជួលអារម្មណ៍បាត់ទៅហើយ៕