ទម្លាប់ ៤យ៉ាង អាចជួយឲ្យអ្នកមានលុយគរដូចភ្នំដោយមិនដឹងខ្លួន
- 2019-05-21 03:35:00
- ចំនួនមតិ 0 | ចំនួនចែករំលែក 0
ទម្លាប់ ៤យ៉ាង អាចជួយឲ្យអ្នកមានលុយគរដូចភ្នំដោយមិនដឹងខ្លួន
គ្រាន់តែប្រកាន់ខ្ជាប់ទម្លាប់ល្អមួយចំនួននៅក្នុងខ្លួន អ្នកខ្លះអាចគិតថាវាធម្មតាពេកហើយ ប៉ុន្តែនរណាទាយដឹងទៅថាទង្វើធម្មតាៗទាំងនោះ នឹងជួយឲ្យអ្នកក្លាយជាសេដ្ឋីមានលុយគរដូចភ្នំនៅថ្ងៃណាមួយជាក់ជាមិនខាន។ ក្នុងនោះដែរ មហាសេដ្ឋី Warren Buffett បានចែករំលែកគន្លឹះគ្រប់គ្រងហិរញ្ញវត្ថុ ៤យ៉ាង ដែលអ្នកគួរដឹងនិងអនុវត្តតាម ដើម្បីក្លាយខ្លួនជាអ្នកមានដោយមិនដឹងខ្លួន។
១. មានគំនិតជាសហគ្រិន
បើអ្នកមានគំនិត ចេះចង់រកស៊ីជួញដូរផ្សេងៗ ចាត់ទុកជាសំណាងធំណាស់ ព្រោះវាគឺជាឱកាសដ៏ល្អសម្រាប់អ្នក ដើម្បីបង្កើនប្រាក់ចំណូលបន្ថែម។ មិនថាអ្នកធ្វើការងារអ្វី ប្រកបរបរអ្វីក៏ដោយ ឲ្យតែចេះព្យាយាមស្ទុះស្ទា មិននៅស្ងៀមធ្មឹងៗ អ្នកច្បាស់ជាអាចទទួលបានផលកើនឡើងពីមួយថ្ងៃទៅមួយថ្ងៃ ហើយក៏មានផ្លូវដើរច្រើនជាងអ្នកដទៃដែរ។
២. វិនិយោគ
មហាសេដ្ឋី Buffett បានបញ្ជាក់ទៀតថា "ទ្រព្យសម្បត្តិរបស់គាត់សឹងទាំងអស់ បានមកពីការវិនិយោគ”។ អ្វីដែលពិសេសជាងនេះទៀតនោះគឺ នរណាក៏អាចធ្វើការវិនិយោគបានដែរ ដោយមិនប្រកាន់ពីអាយុ ឬចំណូលឡើយ។ សំខាន់ត្រូវប្រាកដថា អ្នកបានជ្រើសរើសវិធីត្រឹមត្រូវ មុនចង់វិនិយោគលើអ្វីមួយ ជៀសវាងខាតឡុងចុងលើសដើម។
៣. ជំពាក់គេកាន់តែតិចកាន់តែល្អ
បើអ្នកជំពាក់កាន់តែច្រើន បំណុលនឹងអាចនាំឲ្យអ្នកធ្លាក់ជ្រោះនៅថ្ងៃណាមួយយ៉ាងទាន់ហន់។ ជាក់ស្តែង វាក៏ជាកំហុសផ្នែកគ្រប់គ្រងលុយកាក់ដ៏ធំមួយដែលគ្រប់គ្នាតែងប្រព្រឹត្ត។ ថ្វីត្បិតតែការកម្ចី អាចជួយត្រាយផ្លូវនាំឲ្យអ្នកទៅកាន់គោលដៅ ដូចជាកម្ចីទៅលើការសិក្សា ផ្ទះសម្បែង...យ៉ាងហោចណាស់ ត្រូវកំណត់ឲ្យបានច្បាស់លាស់ ហើយយកវាទៅធ្វើរឿងណាដែលចាំបាច់បំផុត ទើបមិនលេចលង់កាន់នៅជ្រៅជាមួយបំណុល។
៤. ចំណាយតិចជាងចំណូល
គន្លឹះចុងក្រោយនេះ និយាយងាយស្រួលជាងធ្វើ។ ចង់គ្រប់គ្រងការចំណាយឲ្យនៅកម្រិតទាប មិនលើសពីចំណូល លុះត្រាតែអ្នក ចេះបែងចែកពីតម្រូវការនិងចំណង់។ ត្រូវកាត់បន្ថយទិញរបស់ណាដែលពុំចាំបាច់ទាល់តែសោះ។ មានលុយក្នុងកាបូប ឬកុងធនាគារ កុំចេះតែដកហូតតាមចិត្តចង់ ទោះបីអ្នកមានលុយច្រើនប៉ុណ្ណាក៏ដោយ។ គ្មាននរណាម្នាក់អាចដឹងថា ទៅថ្ងៃមុខនឹងមានរឿងអ្វីកើតឡើងឡើយ ដូច្នោះហើយទើបបានជាអ្នកត្រូវទុកសាគួរ ពេលមានអាសន្នអ្វីមួយ។ បើទោះជាគ្មានបញ្ហា កើតឡើង យ៉ាងណាអ្នកក៏អាចបង្កើនចំណូលពីប្រាក់សន្សំនេះដែរ៕
ចុចអានបន្ត៖ ស្រីៗ! មកដឹងពីតិចនិកជិះឡានប្រើសាំង ឬ ហ្គាសអស់តិច