បើថ្ងៃណាមួយយើងទាំងពីរនាក់ឈ្លោះគ្នាខ្លាំង...
- 2019-04-09 02:22:24
- ចំនួនមតិ 0 | ចំនួនចែករំលែក 0
បើថ្ងៃណាមួយយើងទាំងពីរនាក់ឈ្លោះគ្នាខ្លាំង...
ពេលមនុស្សពីរនាក់ស្រលាញ់គ្នាកាន់តែយូរ ភាគច្រើនខាងស្រីមានចិត្តកាន់តែជ្រាលជ្រៅទៅលើដៃគូរបស់ខ្លួន។ ចំណែកឯមនុស្សប្រុសវិញ ស្រលាញ់យូរខ្លាំងប៉ុណ្ណា ការយកចិត្តទុកដាក់អាចនឹងធ្លាក់ចុះកាន់តែខ្លាំងក៏ថាបាន។ ពេលគ្រានោះចូលមកដល់ មនុស្សស្រីតែងគិតថា បុរសដែលនាងស្រលាញ់កំពុងតែប្រែប្រួល លែងមានចិត្តលើរូបនាងដូចមុនហើយ។ ឮដូច្នោះ ភាគីខាងប្រុសប្រកែកតវ៉ាថា ស្រីៗចូលចិត្តគិតច្រើនពេក។
ការពិតគ្មាននរណាមួយប្រែប្រួលឡើយ មានតែពេលវេលាប៉ុណ្ណោះដែលផ្លាស់ប្តូរ។ ពេលអ្នកចំណាយវេលានៅជាមួយគ្នាអស់រយៈកាលជាយូរ អ្នកបានបង្កើនភាពជិតស្និទ្ធនិងដឹងចិត្តគ្នាសព្វគ្រប់បែបយ៉ាង មិនមែនដូចជាគ្រាចាប់ផ្តើមដំបូងនោះទេ។
ការយល់ចិត្តនេះហើយទើបធ្វើឲ្យអ្នកមានគំនិតថា ទោះបីព្រងើយកន្តើយបន្តិចក៏មិនអីដែរ។ យ៉ាងណា កុំភ្លេចថា បើអ្នកនៅតែធ្វើវាដដែលៗ ថ្ងៃណាមួយការប្រើជីវិតរស់នៅជាមួយគ្នានឹងលែងមានន័យតទៅទៀត ហើយបញ្ហានឹងកើតឡើងមិនចេះចប់។
ប្រសិនបើថ្ងៃណាមួយ អ្នកទាំងពីរឈ្លោះគ្នាខ្លាំង មានវិធីច្រើនណាស់ដែលអ្នកអាចបញ្ចប់ជម្លោះបាន៖
សួរខ្លួនឯងថា ហេតុអ្វីបានជាអ្នកជ្រើសរើសនៅជាមួយគ្នា?
មានភាគីម្ខាង ស្ម័គ្រចិត្តនិយាយសុំទោសមុន ព្រោះវាមិនមែនមានន័យថាអន់ មិនមែនជាអ្នកចាញ់ ហើយក៏មិនមែនជាការអន់ឱនដែរ តែជាការយកចិត្តទុកដាក់ ខ្វាយខ្វល់ពីអារម្មណ៍របស់មនុស្សដែលខ្លួនស្រលាញ់ និងមិនចង់ឲ្យចំណងស្នេហ៍ប្រែជាល្អក់កករ។
៣ឃ្លាដែលអ្នកគួរទន្ទេញពេលមានជម្លោះ
១. ផែនដីមួយនេះមានរូបគាត់។
២. ផែនដីមួយនេះមានរូបអ្នក។
៣. ផែនដីមួយនេះ បានផ្សំផ្គុំឲ្យអ្នកនឹងគាត់ជួបគ្នា។
ការស្រលាញ់មិនអាចជៀសផុតពីជម្លោះបានឡើយ អ្វីដែលអ្នកត្រូវចាំទុកក្នុងចិត្តនោះគឺ បើឈ្លោះគ្នាហើយ ត្រូវចេះអន់ឱនអភ័យទោស និងបន្តរស់នៅជាមួយគ្នាឲ្យបានគង់វង្សយូរអង្វែង៕