សូម្បីតែថ្ងៃ April’s Fool ក៏មិនបោកសាហាវដូចអ្នកលក់ខោអាវអនឡាញដែរ

2019-04-03 02:49:56
ចំនួនមតិ 0 | ចំនួនចែករំលែក 0

ថ្ងៃទី១ ខែមេសា ត្រូវបានពិភពលោកកំណត់ថា ជាថ្ងៃនិយាយកុហក (April’s Fool Day) ដោយអ្នកគ្រប់គ្នាអាចនិយាយកុហកបានគ្រប់រឿង ហើយអ្នកដែលបោកគេបានច្រើនជាងគេ ជាអ្នកឈ្នះ។ បើនិយាយពីបោកនេះ នៅតែអ្នកជំនាញបោកមិនគិតថ្ងៃណាថ្ងៃណីឡើយ គឺបោកសឹងតែរាល់ថ្ងៃតែម្ដង ហើយអ្នកទាំងនោះគឺគ្មានអ្នកណាក្រៅពីអ្នកលក់ខោអាវអនឡាញមួយចំនួននោះទេ។ (សូមបញ្ជាក់មិនបានថាឱ្យអ្នកលក់អនឡាញទាំងអស់ទេណា!)

ឧទាហរណ៍ រូបដែលបង្ហោះលើអ៊ីនធឺណិត និងខោអាវពិតប្រាកដពេលដឹកមកដល់ផ្ទះ គឺខុសគ្នាដូចមេឃនឹងដី។ តែនិយាយទៅមិនដឹងគួរសើចឬយំ ព្រោះទាំងដឹងហើយថាការទិញអនឡាញគ្មានសុវត្ថិភាពទាំងគុណភាព និងរឿងលុយកាក់ នៅតែមានអ្នកអង្គុយតាមដាន និងកុម្ម៉ង់ទិញដើម្បីផ្សងសំណាងចង់ដឹងថាខ្លួនហេង ឬស៊យដល់កម្រិតណាពេល ប្រគល់ជោគជតារបស់ខ្លួនចូលដៃអ្នកលក់អនឡាញ។

ចុចអាន៖ ៤តិចនិកដើម្បីទិញខោអាវអនឡាញ បានត្រូវចិត្ត និងមិនត្រូវគេបោក

ក្នុងថ្ងៃ April's Fool នេះដែរ អ្នកទិញខោអាវអនឡាញជាច្រើនបានបង្ហាញភាពក្លាហានក្រោកឈរឡើង ហែកកេរ្តិ៍ខ្មាសខ្លួនឯងដែលត្រូវអ្នកលក់បោកយ៉ាងសាហាវ។ លទ្ធផល ទទួលបានគឺអាណិតផង តែអស់សំណើចក៏ខ្លាំងដែរ។ ខាងក្រោមនេះ គឺរូបពេលផ្សាយ និងខោអាវពេលទទួលជាក់ស្ដែង៕