សញ្ញាទាំងឡាយបង្ហាញថាគេជាមនុស្សគួរឲ្យទុកចិត្ត ស័ក្ដិសមឲ្យអ្នកផ្ញើខ្លួនប្រាណបាន

2019-03-20 02:01:22
ចំនួនមតិ 0 | ចំនួនចែករំលែក 0

បើកំពុងស្ថិតក្នុងចំណងមនោសញ្ចេតនាណាមួយ តែមិនច្បាស់ថាបុគ្គលម្នាក់នោះគួរទុកចិត្តឬអត់ អ្នកអាចត្រួតពិនិត្យជាមួយនឹងចំណុចខាងក្រោមបាន។ ប្រសិនបើសង្សារអ្នក មានអត្តចរិតដូចខាងក្រោម អ្នកអាចជឿជាក់លើគេបាន។

១. គេមើលឃើញតម្លៃរបស់អ្នក

អ្នកខ្លះនិយាយថាស្រលាញ់ឲ្យតែរួចពីមាត់នោះទេ តែមិនបានបង្ហាញតាមរយៈសកម្មភាពនោះឡើយ។ ដោយគេធ្វើអ្វីមិនខ្វល់ពីអារម្មណ៍របស់យើងឡើយ។ ផ្ទុយមកវិញ ប្រសិនបើឲ្យតម្លៃអ្នក សូម្បីតែការសម្រេចចិត្តតូច ក៏ត្រូវឆ្លងកាត់អ្នកដែរ។ មិនមែនគេមិនមានសមត្ថភាពសម្រេចនោះឡើយ តែមកពីគេឲ្យតម្លៃយើងទើបសួរមតិយើង។

រូបតំណាង

**២. ពេលមានកំហុស គេព្រមទទួលខុស**

មនុស្សធំមានភាពពិបាកក្នុងការទទួលកំហុសខ្លួនឯង ព្រោះចិត្តអំនួតធំ។ យ៉ាងណាក្ដី មនុស្សឯករាជ្យចាស់ទុំ គ្មានភាពលំបាកក្នុងការទទួលកំហុសឡើយ ព្រោះគេគិតថា កំហុសគឺជាម្ដាយនៃជោគជ័យ ហើយគ្មានអ្នកណាល្អឥតខ្ចោះទេ។ ដូចនេះហើយ ទទួលកំហុសក៏មិនបានខាតអ្វីដែរ។

៣. អ្នកគឺជាជម្រើសទី១របស់គេ

ប្រាកដហើយថាក្រៅពីយើង គេនៅមានទំនាក់ទំនងជាច្រើនទៀតនៅក្នុងសង្គម តែចំពោះរឿងមនោសញ្ចេតនា យើងគឺជាមនុស្សដំបូងដែលគិតដល់ ពេលមានដំណឹងអ្វីមួយ ឬពេលក្រោកពីគេងជាដើម។ បើសិនជាគេមានចរិតដូចនេះមែន ទើបជាអ្នកមនុស្សដែលគួរឲ្យទុកចិត្ត។

៤. គេគាំទ្រការសម្រេចចិត្តរបស់អ្នក

ការលើកទឹកចិត្តគ្នាទៅវិញទៅមកក្នុងរឿងស្នេហាគឺជាកត្តាដែលមិនអាចខ្វះបាន។ យើងអាចហត់នឿយពេញមួយថ្ងៃ តែគ្រាន់តែបានឮសម្ដីលើកទឹកចិត្តគេក៏បានស្រស់ស្រាយឡើងវិញភ្លាម។ ដូចគ្នាដែរ នៅពេលយើងចង់ធ្វើអ្វីមួយ ហើយទទួលបានការគាំទ្រពីមនុស្សដែលយើងស្រលាញ់ រឹតតែធ្វើឲ្យយើងមានទឹកចិត្តសម្រេចវាឲ្យបានលើសដើម។

រូបតំណាង

៥. គេអាចមើលថែទាំខ្លួនឯងបាន

សម័យនេះគឺខ្លាចបំផុត មនុស្សអស់ធំហើយ តែនៅតែហៅម៉ែៗរហូតរាល់ពេលមានរឿង។ បើអ្នកជួបមនុស្សបែបនេះ គួររត់ចេញឆ្ងាយ។ បញ្ច្រាស់មកវិញ ប្រសិនបើគេអាចមើលថែទាំខ្លួនឯង ទាំងក្នុងស្ថានភាពឈឺ ឬស្រវឹងនោះ បង្ហាញឲ្យឃើញថា គេជាមនុស្សដែលចាស់គំនិតពិតប្រាកដ ជឿទុកចិត្តគឺមិនខុសឡើយ៕

ចុចអាន៖មនុស្សប្រុសចាស់ទុំ គេបង្ហាញមនោសញ្ចេតនាបែបនេះឯង

ប្រភព៖ Spiceee អត្ថបទ៖Caramel