ស្រីៗមើលទៅចាស់ជាងវ័យដោយសារកំហុសឆ្គងក្នុងការតែងខ្លួន ៥ យ៉ាងនេះ

2018-12-30 11:00:00
ចំនួនមតិ 0 | ចំនួនចែករំលែក 0

ការស្លៀកពាក់ គឺអាចជួយលើកសម្រស់ស្ត្រីបាន។ តែពេលខ្លះវាបែរវាធ្វើឲ្យអ្នកមើលទៅចាស់ជាងវ័យ ព្រោះកំហុសឆ្គង ៥ យ៉ាងនេះ៖

១.ស្លៀកពាក់ពណ៌ខ្មៅច្រើនពេក

សំលៀកបំពាក់ពណ៌ខ្មៅ គឺស្រស់ស្អាតសម្រាប់ស្លៀកទៅក្នុងកម្មវិធីរាត្រីសមោសរតែប៉ុណ្ណោះ។ ប៉ុន្តែបើស្លៀកពាក់បែបនេះរាល់ថ្ងៃពេកទៅ ធ្វើឲ្យអ្នកមើលទៅកាន់តែចាស់ និងមិនគួរឲ្យចាប់អារម្មណ៍។ ស្បែក ក៏ត្រូវការសំលៀកបំពាក់ចម្រុះពណ៌ដែរ ទើបវាបញ្ចេញពន្លឺ។ ប្រសិនបើអ្នកពិតជាចូលចិត្តរ៉ូប ឬខោអាវមែន អ្នកគួរតែពាក់គ្រឿងអលង្ការលាយពណ៌បន្តិច។

២.ស្លៀកសំពត់វែងពេក

ការស្លៀកសំពត់ គឺមិនត្រូវឲ្យវែងពេកទេ។ ប្រសិនបើអ្នកស្លៀកសំពត់ឡើងដល់ពាក់កណ្ដាលកំភួនជើងធ្វើឲ្យអ្នកមើលទៅលើសពីមនុស្សអាយុ៣០ ឆ្នាំ។ ឈុតសំពត់លើជង្គង់បន្តិចធ្វើឲ្យអ្នកមើលទៅស្អាតបំផុត និងនៅតែវ័យក្មេង។

៣.ស្លៀកពាក់រុំជិតខ្លួនពេក

ការស្លៀកពាក់គឺ ដើម្បីបិទបាំងរាងកាយមែន។ ប៉ុន្តែយើងមិនគួរពាក់វាឡើងជិតគ្រប់កន្លែងពេកទេ ព្រោះអាចបិទបាំងសម្រស់បាន។ អ្នកគួរតែស្លៀកពាក់ឲ្យតាមកាលៈទេសៈទៅ មិនមែនរុំខ្លួនជិតៗគ្រប់ពេលវេលានោះទេ។

៤.អ្នកទៅដើរផ្សារជាមួយខុសមនុស្ស

អ្នកស្ថិតនៅក្នុងភាពជាយុវវ័យ តែបែរជាបបួលអ្នកដើរផ្សារជាមួយជាមនុស្សចាស់ ដូចនេះការទិញ អាចនឹងយកគំរូស្លៀកពាក់ដូចគ្នាគេនោះ។ ផ្ទុយទៅវិញអ្នក តែបបួលមិត្តភ័ក្តិដែលមានវ័យស្របាលគ្នា ទើបមានគំនិតយុវវ័យដូចគ្នា។

៥.ពាក់វ៉ែនតាដូចមនុស្សចាស់

វ៉ែនតា គ្រាន់តែជាគ្រឿងអលង្ការបន្ទាប់បន្សំ ប៉ុណ្ណោះ។ ដូចនេះប្រសិនបើអ្នកពាក់វ៉ែនតាគួរជៀសវាងស៊ុមដូចមនុស្សចាស់។ ត្រូវដឹងថា គ្រាន់តែភាពខុសគ្នានៃស៊ុមវ៉ែនតាអាចធ្វើឲ្យអ្នកក្លាយជាកូនទារូបអាក្រក់ ឬប្រែក្លាយទៅជាក្ងានសួគ៌បាន។ ម្យ៉ាងវិញទៀតជៀសវាងកុំពាក់វ៉ែនតាធំពេក ព្រោះលាក់បាំងសម្រស់ភ្នែក និងមុខអ្នកបាន៕

ចុចអាន៖

អត្ថបទ៖ ទ្រី រ៉ាវី