គុណវិបត្តិសម្រាប់អ្នកក្ររៀបការខ្លាំងពេក
- 2018-12-21 02:26:37
- ចំនួនមតិ 0 | ចំនួនចែករំលែក 0
គុណវិបត្តិសម្រាប់អ្នកក្ររៀបការខ្លាំងពេក
ការរៀបការគឺជាការសម្រេចចិត្តដ៏ធំមួយនៅក្នុងជីវិត។ អ្នកត្រូវត្រៀមលក្ខណៈច្រើនយ៉ាងដូចជា លុយកាក់ របស់របរ ផ្ទះសម្បែងជាដើម។ ពេលរៀបការនៅអាយុក្មេងពេករមែងមានគុណវិបត្តិ ដូច្នេះហើយទើបគេសន្និដ្ឋានថាវ័យចាស់ទុំជាវ័យល្អសម្រាប់រៀបការ តែការពិតវាមានក៏មានគុណវិបត្តិដូចគ្នា។
១. មានភាពឯករាជ្យខ្លាំងពេក
ក្នុងជីវិតសព្វថ្ងៃនេះនរណាក៏ត្រូវមានភាពឯករាជ្យក្នុងខ្លួនដែរ ប៉ុន្តែអ្នកដែលក្ររៀបការតែងមានភាពឯករាជ្យខ្លាំងជ្រុល។ ពួកគេធ្លាប់តែមានម្ចាស់ការ រស់នៅម្នាក់ឯង រកលុយខ្លួនឯង ចាយវាយតាមចិត្ត ដូច្នេះហើយពេលរស់នៅលក្ខណៈជាគ្រួសារ ត្រូវប្រើពេលយូរបន្តិចដើម្បីបត់បែន ចេះលៃលកគិតគូពីគ្រួសារវិញម្តង។
២. បង្ខំឲ្យប្រញាប់មានកូន
ទៅណាមកណា អ្នកនឹងត្រូវបានគេសួរនាំពីរឿងកូន ចំណែកឯឪពុកម្តាយក៏ចង់បានចៅពរ។ ក្រឡេកមើលទៅមិត្តភ័ក្ដិ កូនគេធំៗចូលរៀនអស់ហើយ។ ស្ថានភាពបែបនេះ អាចធ្វើឲ្យអ្នកមិនសូវស្រួលក្នុងអារម្មណ៍ ហើយក៏ប្រញាប់ចង់បានកូនហ្នឹងគេដែរ។
៣. ពុំសូវមានអារម្មណ៍រំភើបសប្បាយ
អាយុកាន់តែច្រើន អារម្មណ៍រំភើបសប្បាយរំជួលចិត្ត នឹងបាត់បង់បន្តិចម្តងៗទៅតាមវ័យ។ អ្នកចាប់ផ្តើមចេះគិតខ្វល់ខ្វាយនិងមានគំនិតចាស់ទុំ មិនសូវមានថាមពលក្នុងចិត្ត។ ទោះសប្បាយក៏មើលទៅធម្មតាៗ ហើយឆាប់ធុញទៀត។
៥. ពុំសូវមានពេលនៅជាមួយគ្នា
ចំណាយពេលនៅជាមួយគ្នាឲ្យបានគ្រប់គ្រាន់ គឺជាអ្វីដែលគូស្នេហ៍ជោគជ័យតែងធ្វើ។ ផ្ទុយទៅវិញ សម្រាប់អ្នកដែលរៀបការនៅអាយុច្រើនពេក បើជាអ្នកធ្វើការឬអ្នករកស៊ីគឺតែងតែរវល់ខ្លាំង មិនសូវមានពេលផ្អែមល្ហែម ផ្តោតអារម្មណ៍ជាមួយជីវិតឯកជនប៉ុន្មានទេ។
និយាយជារួម រៀបការនៅវ័យតិចឬច្រើន សុទ្ធតែមានគុណសម្បត្តិនិងគុណវិបត្តិផ្សេងគ្នា អ្វីដែលសំខាន់គឺការចេះបែងចែកពេលវេលា និងរៀនសម្របខ្លួនដើម្បីគ្រួសារ៕
ចុចអានបន្ត៖ ប្ដីចរិតយ៉ាប់យ៉ឺនចូលចិត្តធ្វើរឿង ៦ យ៉ាងនេះដាក់ភរិយា