គូណាមាន ៥ យ៉ាងនេះ មិនថាតែខ្លួនឯងទេពេញចិត្ត សូម្បីអ្នកដទៃក៏សរសើរមិនដាច់ពីមាត់ដែរ!
- 2018-12-11 10:00:00
- ចំនួនមតិ 0 | ចំនួនចែករំលែក 0
គូណាមាន ៥ យ៉ាងនេះ មិនថាតែខ្លួនឯងទេពេញចិត្ត សូម្បីអ្នកដទៃក៏សរសើរមិនដាច់ពីមាត់ដែរ!
គូស្នេហ៍ភាគច្រើនតែងគិតថា ស្រលាញ់គ្នាជារឿងរបស់មនុស្សពីរនាក់ប៉ុណ្ណោះ មិនចាំបាច់ទៅខ្វល់សម្ដី ឬការយល់ឃើញរបស់អ្នកដទៃទេ។ ទោះជាយ៉ាងណា បើស្នេហាអ្នកមិនមានការគាំទ្រពីបងប្អូន ឬមិត្តភ័ក្ដិ អ្នកក៏គ្មានសេចក្ដីសុខដែរ ដូចនេះបើចង់ឲ្យស្នេហាខ្លួនមានការចូលរួមអបអរពីមនុស្សដទៃ គប្បីមាន ៦ យ៉ាងនេះ៖
១.មិនពឹងផ្អែកលើគ្នា
បើអ្នកស្រលាញ់នរណាម្នាក់ ហើយអាចមានការងារធ្វើ ឬមុខរបរមួយសម្រាប់ខ្លួនឯង និងមានដៃគូក៏មានដូចគ្នាដែរនោះ គ្រួសារអ្នកទាំងពីរពិតជាមិនជំទាស់ឡើយ។ បើពេលស្រលាញ់គ្នា គឺជា ពេលដែលអ្នកគួរតែខិតខំបន្ថែមទៀត នោះមិនថាគ្រួសារ អ្នកជិតខាង ឬមិត្តភ័ក្ដិទេ សុទ្ធតែសាទរចំពោះក្ដីស្រលាញ់តូចមួយនោះ។
**២.កុំតោងទាមគ្នាស្អិតបេះមិនចេញ**
មិនថាតែអ្នកជិតខាងទេ សូម្បីតែគ្រួសារអ្នក និងគ្រួសារគាត់ ពេលឃើញបែបនោះក៏មិនពេញចិត្តដូចគ្នា។ អ្នក និងគូស្នេហ៍គួរតែរក្សាឥរិយាបថនឹងធឹង ហើយជៀសវាងឱបដៃឱបជើងគ្នាអី ព្រោះនោះជាទង្វើមិនសូវពេញភ្នែកញាតិ។ មួយវិញទៀតអ្នកមិនគួរបណ្ដើរគ្នាគ្រប់ពេលឡើយ គួរតែទុកពេលឲ្យម្ខាងៗមានសេរីភាពទៅធ្វើរឿងផ្ទាល់ខ្លួន។
៣.មានឯករាជ្យលើជីវិតរៀងខ្លួន
បើអ្នកមានស្នេហាដែលធ្វើឲ្យអ្នកដទៃសរសើរ អ្នក និងដៃគូក៏គួរតែជាមនុស្សមានឯករាជ្យលើជីវិតរស់នៅ។ បើទាំងពីរនាក់នៅមានចរិតដូចកូនក្មេង ពូកែងរង៉ក់ មិនចេះអធ្យាស្រ័យឲ្យគ្នា ដែលនាំឲ្យស្នេហាមានភាពរញ៉េរញ៉ៃមិនចេះចប់ នរណាក៏គេចាំតែសើចដែរ។
៤.មានភាពអំណត់
នេះសំដៅលើចិត្តអំណត់អ្នកទាំងពីរ ប្រសិនបើមានបញ្ហាមិនយល់ចិត្តគ្នាត្រង់ណា គួរតែនិយាយស្ដី និងស្វែងរកដំណោះស្រាយមិនមែនឈ្លោះគ្នាប៉ាតណាប៉ាតណីមិនចេះខ្លាចខ្មាសគេនោះទេ។ បើគ្មានចំណុចនេះទេ អ្នកដទៃគេចាំតែសើចពេបជ្រាយស្នេហាអ្នកប៉ុណ្ណោះ។
៥.មានទំនួលខុសត្រូវ
ស្រលាញ់គ្នា តែបែរជាគ្មានចំណុចនេះ នោះអ្នកទាំងពីរពិតជាគ្មានក្ដីសុខឡើយមិនថាតែខ្លួនឯងទេមិនសប្បាយចិត្តអ្នកក្បែរខ្លួនទាំងប៉ុន្មានក៏ដូចគ្នា៕
ចុចអាន៖៦ យ៉ាងមនុស្សស្រីមិនគួរបណ្ដោយខ្លួនឲ្យមាន ទោះស្រឡាញ់គេខ្លាំងប៉ុណ្ណាក៏ដោយ