ឃើញរូបកាលពីមុនរបស់ Louis Koo ទើបដឹងថាតារាស្រករក្រោយពិបាករកអ្នកផ្ទឹមបាន
- 2018-12-06 05:06:18
- ចំនួនមតិ 0 | ចំនួនចែករំលែក 0
ឃើញរូបកាលពីមុនរបស់ Louis Koo ទើបដឹងថាតារាស្រករក្រោយពិបាករកអ្នកផ្ទឹមបាន
បើនិយាយពីតារាប្រុសចិនក្នុងកំឡុងទសវត្សឆ្នាំ៨០ និង៩០វិញ អាចនិយាយបានថា រូបសម្បត្តិរបស់តារាសម្ដែងប្រុសជើងចាស់ហុងកុង Louis Koo គឺសង្ហារមានតែមួយ គ្មានពីរតែម្ដង។
ទស្សនិកជនអាស៊ីភាគច្រើនប្រាកដជាបានស្គាល់ ឬឮឈ្មោះ តារាសម្ដែងប្រុសរលកមុន Louis Koo ច្បាស់ខ្លាំងណាស់ ព្រោះកំពូលខ្សែភាពយន្តភាគចិនបុរាណ “ទេពឥន្ទ្រីបក្សីស្នេហ៍” ឆ្នាំ១៩៩៥ បានជួយឲ្យកេរ្តិ៍ឈ្មោះរបស់លោកល្បីគ្របដណ្ដប់អាស៊ីនៅពេលនោះ។ សម្រាប់អ្នកដែលមិនដែលស្គាល់ ប្រុសស្អាតវ័យ៤៨ឆ្នាំ ប្រាកដជាស្មានថាលោកមានស្បែកខ្មៅពីកំណើតហើយ ព្រោះលោកបានលាបពណ៌ស្បែកជិត២០ឆ្នាំមកហើយ។
តែតាមការពិត កាលទើបចូលសិល្បៈដំបូង តារាកើតឆ្នាំ ១៩៧០ មានស្បែកសស្គុសដូចពងមាន់បក តែដោយសារតែលោកគិតថាសម្បុរនេះធ្វើឲ្យលោកដូចមនុស្សស្រីពេក ពិបាកសម្ដែងតួកាច ទើបសម្រេចចិត្តលាបពណ៌ស្បែកក្រម៉ៅវិញឲ្យងាយចូលតួ។ ជាក់ស្ដែងក្រោយពេលលាបពណ៌ស្បែករួច គេសង្កេតឃើញថា អាជីពសម្ដែងរបស់លោកពិតជារីកចម្រើនជាងមុនពិតមែន ដោយសព្វថ្ងៃលោកគឺជាប្រធានសមាគមសិល្បករហុងកុង៕