សួរប្រុសៗឲ្យច្បាស់ប៉ុន្មានសំណួរនេះសិន ចាំសម្រេចចិត្តថារៀបការជាមួយ ឬអត់
- 2018-11-20 05:00:00
- ចំនួនមតិ 0 | ចំនួនចែករំលែក 0
សួរប្រុសៗឲ្យច្បាស់ប៉ុន្មានសំណួរនេះសិន ចាំសម្រេចចិត្តថារៀបការជាមួយ ឬអត់
តើអ្នកមានគម្រោងរៀបការជាមួយបុរសជាសង្សារមែនទេ? តើអ្នកពិតជាច្បាស់លាស់ ថាអាចសាងអនាគតរួមគ្នាបាន? តើអ្នកពិតជាមានជំនឿថា អ្នកដើរផ្លូវរួមគ្នារហូត? បើមិនទាន់ច្បាស់លាស់ទេ អ្នកគួរតែសួរសំណួរទាំងនេះទៅគេសិន។ ប្រសិនបើគាត់មិនអាចឆ្លើយបាន អ្នកគួរតែសម្រេចចិត្តម្ដងទៀត ឬពន្យារពេលស្វែងយល់ពីគ្នាបន្តទៀត៖
១.ចង់សាងគ្រួសារកក់ក្ដៅមួយ តើអ្នកត្រូវធ្វើដូចម្ដេចខ្លះ? តើបន្ទាប់ពីរៀបការហើយ ពេលណាទើបយកកូន? តើគួរចិញ្ចឹមពួកគេដោយវិធីណា?
បុរសដែលត្រៀមខ្លួនធ្វើជាមេគ្រួសារគេ ប្រាកដជាគិតរឿងទាំងនេះតាំងពីចាប់ផ្ដើមស្រលាញ់គ្នាម្ល៉េះ។ តែបើគាត់ឆ្លើយថា ចាំរៀបការហើយ ចាំគិតទៀត នោះបញ្ជាក់ថាគាត់មិនទាន់ក្លាយជាបុរសមានលក្ខណៈសម្បត្តិគ្រប់គ្រាន់ជាប្ដីគេទេ។
២.តើអ្នកទាំងពីរចែករំលែកការទទួលខុសត្រូវចិញ្ចឹមបីបាច់កូន ឬក៏មានម្នាក់នៅថែរក្សាកូន?
បើចម្លើយគាត់ឆ្លើយឲ្យអ្នកនៅចាំមើលថែរក្សាកូនម្នាក់ឯង អ្នកគួរតែសម្រេចចិត្តម្ដងទៀត។ បុរសបែបនេះគេហៅថា គ្មានទំនួលខុសត្រូវ។
៣.តើរៀបការរួច គួរទៅរស់នៅទីណា?
ចម្លើយដែលអ្នកសមនឹងទទួលបាន គឺការចេញទៅផ្ទះដទៃដែលមិនមែនជាផ្ទះឪពុកម្ដាយខាងណា។ តែបើគាត់ថា ចង់ទៅរស់នៅមួយគ្រួសារគាត់ នោះបញ្ជាក់ថាគាត់ជាបុរសមិនទាន់រឹងមាំនៅចាំឲ្យម្ដាយជួយថែរក្សា។
៤.ក្រៅពីធ្វើការរកលុយ តើគួរធ្វើយ៉ាងណាទៀតទើបមានលុយទុកឲ្យកូន?
បើគាត់ឆ្លើយថាមិនដឹង អ្នកគួរតែផ្អាកមង្គលការមួយរយៈសិន។ មនុស្សប្រុសមានភាពច្បាស់លាស់ពិតជាមានគណនីសន្សំ ឬការទិញធានារ៉ាប់រងណាមួយ។
៥.តើអ្នកទាំងពីរនឹងមានចំណែកស្មើគ្នាក្នុងការសម្រេចចិត្តសំខាន់ៗដែរឬទេ?
បើគាត់ឆ្លើយថា គាត់ជាអ្នកសម្រេចលើការងារធំៗ អ្នកមិនបាច់និយាយអ្វី នោះអ្នកគួរតែកុំបន្តអី។ ប្រុសបែបនេះនឹងធ្វើអ្វីតាមតែចិត្តខ្លួនឯង ដោយមិនឲ្យអ្នកមានសិទ្ធមកបញ្ចេញយោបល់ឡើយ៕
ចុចអាន៖នារី ៥ ប្រភេទ ងាយឈឺចាប់ និងបរាជ័យស្នេហាក្រោយរៀបការរួច