គោលការណ៍ទាំង ៥ អ្នកដំណើរគួរចងចាំមុនពេលទៅដល់ព្រលានយន្តហោះ
- 2018-11-15 04:30:00
- ចំនួនមតិ 0 | ចំនួនចែករំលែក 0
គោលការណ៍ទាំង ៥ អ្នកដំណើរគួរចងចាំមុនពេលទៅដល់ព្រលានយន្តហោះ
សម្រាប់អ្នកដែលមិនទាន់សាំនឹងធ្វើដំណើរតាមយន្តហោះ ពិតជាមិនសូវដឹងពីរបៀបរបប និងការរៀបចំខ្លួនទៅព្រលានឡើយ។ ដូចនេះ កញ្ញា សូមណែនាំគោលការណ៍ទាំង ៥ អ្នកដំណើរគួរតែចងចាំមុនពេលទៅដល់ព្រលានយន្តហោះ ដើម្បីឲ្យខ្លួនអ្នកមានភាពងាយស្រួល និងមិនរញ៉េរញ៉ៃច្រើន។
១.មុនពេលទៅព្រលានយន្តហោះ អ្នកដំណើរគួរតែស្វែងរកសម្លៀកបំពាក់ដែលមានផាសុកភាព និងមានទម្ងន់ស្រាល គឺជាកត្តាសំខាន់ទើបអ្នកមិនរសាប់រសល់ក្នុងខ្លួន។ វិធីសាមញ្ញជាងគេបំផុត គឺត្រូវពាក់អាវកប្បាសជាមួយនឹងខោក្រណាត់។ ប្រសិនបើអ្នកខ្លាចរងាពេលយន្តហោះចេញដំណើរអ្នកក៏អាចយកអាវវែងទៅចង់នៅត្រគាក មើលទៅទាន់សម័យ និងអាចទប់ទល់បរិយាកាសបាន។ អំឡុងពេលនេះ អ្នកក៏មិនគួរយកកាបូបស្ពាយមកឱបជាប់ខ្លួនដែរ ព្រោះធ្វើឲ្យអ្នកមានអារម្មណ៍ថប់ៗ។
**២**.និយាយអំពីភាពងាយស្រួលពេលធ្វើដំណើរតាមយន្តហោះមិនមានអ្វីដូចស្បែកជើងស៊ករាបៗទេ។ មិនត្រឹមតែមានផាសុកភាពទេ វាក៏ងាយស្រួលក្នុងការដោះចេញផងដែរ ជាពិសេសនៅពេលដែលអ្នកត្រូវឆ្លងកាត់ច្រកសន្តិសុខ។ ក្រៅពីនេះអ្នកក៏អាចពាក់ស្រោមជើងមួយគូ ក្នុងករណីដែលសីតុណ្ហភាពនៅលើយន្តហោះមានកម្រិតទាប។
៣.ពេលធ្វើដំណើរតាមយន្តហោះ អ្នកមិនគួរពាក់គ្រឿងអលង្ការច្រើនពេកទេ។ ម្យ៉ាងទៀតការយកសម្ភារៈផ្ទាល់ខ្លួនទៅប្រើប្រាស់ដូចជាសាប៊ូដុសខ្លួន កក់សក់ ដុសមុខ ឬឡេ គួរតែរំលែកដាក់ក្នុងដបតូចៗ ដើម្បីឲ្យវ៉ាលីចង្អៀត។
៤.ប្រសិនបើដំណើរកម្សាន្តលើកនេះក្នុងពេលចុងឆ្នាំ ហើយអ្នកមានគម្រោងទិញសម្ភារពីបរទេស គួរកុំដាក់ឥវ៉ាន់ពីផ្ទះទៅច្រើនពេលអី ព្រោះបើមកវិញអ្នកទិញសម្ភារៈច្រើន ហើយលើសគីឡូ អ្នកនឹងត្រូវបន្ថែមប្រាក់ទៅលើថ្លៃវ៉ាលីនោះទៀត។
៥.មានសាមីតូចមួយ សម្រាប់ខ្ចប់ឯកសារសំខាន់ៗ ដូចជាលិខិតឆ្លងដែន សំបុត្រយន្តហោះ សំបុត្រកក់សណ្ឋាគារ...៕
ចុចអាន៖អាកប្បកិរិយាដែលអ្នកដំណើរមិនគួរធ្វើពេលនៅលើយន្តហោះ ព្រោះប៉ះពាល់ដល់សុខភាពធ្ងន់ធ្ងរ