អាកប្បកិរិយាដែលអ្នកដំណើរមិនគួរធ្វើពេលនៅលើយន្តហោះ ព្រោះប៉ះពាល់ដល់សុខភាពធ្ងន់ធ្ងរ

2018-10-24 02:46:31
ចំនួនមតិ 0 | ចំនួនចែករំលែក 0

ការធ្វើដំណើរតាមយន្តហោះយូរៗ គឺមានភាពភាពធុញទ្រាន់ណាស់។ ប៉ុន្តែទោះជាអ្នកមានភាពធុញទ្រាន់យ៉ាងណាក៏ដោយ កុំធ្វើរឿងមួយចំនួនដូចខាងក្រោម ព្រោះនាំឲ្យអ្នកដទៃក្ដៅក្រហាយ។ ក្រុមអ្នកជំនាញបានបង្ហាញពីកន្លែងដែលមេរោគត្រូវបានលាក់ និងរបៀបដើម្បីរក្សាសុខភាពផ្ទាល់ខ្លួន និងអ្នកដទៃ៖

១.កុំដើរដោយជើងទទេ៖ ទោះជាទៅបន្ទប់ទឹកក៏ដោយ ក៏មិនគួរដោះស្បែកជើងចោលដែរ ព្រោះកម្រាលផ្សេងៗនៅលើយន្តហោះសម្បូរទៅដោយមេរោគ។

២.កុំដាក់ទឹកកកក្នុងភេសជ្ជៈផ្សេងៗ៖ ការសិក្សារបស់ EPA ក្នុងឆ្នាំ ២០០៤ បានរកឃើញថាក្នុងចំណោមការផ្គត់ផ្គង់លើទឹកយន្តហោះ ៣២៧ គ្រឿង មានត្រឹមតែ ១៥ ភាគរយប៉ុណ្ណោះដែលបានឆ្លងកាត់តាមស្តង់ដារសុខភាព។

៣.កុំពាក់ contact lenses៖ បើអ្នកអាចជ្រើសរើសយកវ៉ែនតាក្នុងពេលហោះហើរល្អ ព្រោះ ខ្យល់នៅក្នុងកាប៊ីនមានភាពស្ងួតខ្លាំងហើយអាចបណ្ដាលឲ្យរលាកភ្នែករបស់អ្នក។ ដូចគ្នានេះបើអ្នកcontact lenses ភ្នែកអ្នកនឹងទទួលរងប្រតិកម្មនោះ។

៤.កុំបិទខ្យល់ម៉ាស៊ីនត្រជាក់ដែលនៅពីលើ

៥.កុំបរិភោគអាហារបន្ទាប់ពីវាធ្លាក់នៅលើតុ៖ ថាសនោះមិនទទួលបានការសម្អាតល្អទេ ដូច្នេះលុះត្រាតែអ្នកបានយកសម្ភារៈអនាម័យតាមខ្លួន។ ព្រោះពេលហោះហើរនោះ មានឪពុកម្ដាយខ្លះផ្លាស់ប្តូរកន្ទបទារកនៅលើតុនោះ ហើយអ្នកខ្លះទៀតបានដាក់ជើងទទេរបស់គេនៅលើតុ។

៦.កុំប្រើភួយ៖ យន្តហោះមួយចំនួនមិនបានបោកសម្អាតភួយនោះយ៉ាងហ្មត់ចត់ទេ។ វត្ថុដូចជាខ្នើយ និងភួយគឺជាកន្លែងល្អសម្រាប់មេរោគ និងចៃបោះជំរំ និងរាលដាលពីមនុស្សម្នាក់ទៅមនុស្ស។

៧.កុំភ្លេចរក្សាសំណើម៖ អ្នកដំណើរគួរតែផឹកទឹកឲ្យបានច្រើន ព្រោះអាចរក្សាសំណើមខ្លួនបាន។

៨.កុំប៉ះពាល់ផ្ទាល់បង្គន់៖ បង្គន់នៅលើយន្តហោះគ្មានអនាម័យគ្រប់គ្រាន់ឡើយ។

៩.កុំដេកឲ្យក្បាលប៉ះនឹងបង្អួច៖ ព្រោះអ្នកមិនមែនជាមនុស្សតែម្នាក់ឡើយដែលដេកនៅទីនោះ។

១០.កុំពាក់ខ្លីៗ៖ ប្រសិនបើអ្នកអាច ព្យាយាមស្លៀកពាក់សម្លៀកបំពាក់ដែលគ្របដណ្ដប់ស្បែកមិនឲ្យប៉ះកៅអីធ្វើដំណើរគឺល្អបំផុត។ វាដូចជាផ្នែកផ្សេងទៀតនៃយន្តហោះមិនត្រូវបានសម្អាត ឬសម្លាប់មេរោគបានល្អ។

ចុចអាន៖

ប្រភព៖ Rd ប្រែសម្រួល៖ ទ្រី រ៉ាវី