មេរៀនដ៏អស្ចារ្យទាំង ៥ ដែលអ្នកអាចរៀនបានពីកូនតូចអ្នកវិញ

2018-11-14 03:10:00
ចំនួនមតិ 0 | ចំនួនចែករំលែក 0

តាមការពិតមានកូន អ្នកអាចរៀនពីចំណុចដ៏អស្ចារ្យទាំងនេះពីពួកគេវិញ។ នៅជិតក្មេងជីវិតអ្នកនឹងស្រស់បំព្រង ហើយគ្មានទុក្ខកង្វល់ទៀតផង ដូចនេះបើអ្នកមានបុត្រ ប៉ុន្មានចំណុចខាងក្រោមនេះ អ្នកអាចរៀនបានវិញ។

១.រីករាយជាមួយឱកាសដែលខ្លួនកំពុងមាន

អតីតកាលចប់ហើយ អនាគតមិនច្បាស់លាស់។ អ្វីដែលមាន គឺមានតែពេលបច្ចុប្បន្នប៉ុណ្ណោះ។ ប្រសិនបើអ្នកចង់មានសុភមង្គលពិតប្រាកដចូរចាប់ផ្ដើមរស់នៅក្នុងបច្ចុប្បន្នភាព។ មើលថែកូនរបស់អ្នកចិត្តនឹងរីករាយ បើទោះជាគ្មានប្រាក់ខែក៏ដោយ ក៏អ្នកពេញចិត្តនឹងធ្វើដោយគ្មានការរារែក។ ភាពក្រមិចក្រមើមរបស់កូន ធ្វើឲ្យម្ដាយរំសាយទុក្ខកង្វល់អស់គ្មានសល់។

២.លេងសើចដូចក្មេងដែរ

ភាពសប្បាយរីករាយគឺជាអ្វីដែលធ្វើឲ្យជីវិតរស់នៅមានតម្លៃ។ បើអ្នកមានកូនហើយនៅក្បែរគេ អ្នកនឹងចូរទៅជិត ហើយប្រឡែងលេងជាមួយគេ ប្រៀបដូចជាមិត្តម្នាក់។ ការខ្វះខាតថាមពលលេងសើចមានន័យថា អ្នកកំពុងធ្វើឲ្យជីវិតក្លាយជាបន្ទុកឃោរឃៅ។ កុមាររកសុភមង្គល និងអំណរដោយការលេងសើច។

៣.បង្ហាញខ្លួនអ្នក

កុមារមិនដឹងពីរបៀបលាក់បាំងអារម្មណ៍របស់ពួកគេទេ។ នៅពេលដែលពួកគេមានអារម្មណ៍មិនស្រួល ឬក្រៀមក្រំពួកគេយំហើយស្រែកខ្លាំងៗ។ នៅពេលពួកគេមានអារម្មណ៍រីករាយពួកគេក៏លោត និងសើចវិញភ្លាម។ ក្មេងៗមិនអាចបង្ក្រាបខ្លួនឯងបានទេ ហើយអ្នកក៏មិនគួរដែរ។ កុំខ្លាចក្នុងការបង្ហាញពីអារម្មណ៍របស់អ្នកពេលនៅជាមួយកូន ព្រោះពេលខ្លះកូនអាចជួយចែករំលែកភាពលំបាកទាំងនោះវិញ។

៤.ត្រលប់ទៅរកភាពក្លាហាន

ប្រសិនបើអ្នកមើលទៅក្នុងភ្នែករបស់កូន អ្នកនឹងឃើញភាពគ្មានកំហុសរបស់ពួកគេ។ ការគ្មានទោសពៃរ៍មានន័យថា មិនមានអារម្មណ៍សោកស្ដាយកំហុស ឬអាម៉ាស់ទេ។ ការធ្វើជាមនុស្សស្លូតត្រង់មានន័យថា មានចិត្តបើកចំហ និងចិត្តល្អ។

៥.សរសើរពិភពលោក

កុមារមើលទៅពិភពលោកដោយការកោតសរសើរ និងភាពអស្ចារ្យ។ អ្វីគ្រប់យ៉ាងហាក់ដូចជាអព្ភូតហេតុដល់ពួកគេ។ អ្វីគ្រប់យ៉ាង គឺថ្មី និងគួរឲ្យរំភើប។ ពួកគេតែងតែចង់ដឹងអំពីអ្វីគ្រប់យ៉ាងដែលកំពុងកើតឡើងនៅជុំវិញខ្លួន។ ផ្ទុយទៅវិញមនុស្សពេញវ័យបានបាត់បង់ចំណាប់អារម្មណ៍ និងចំណង់ចំណូលចិត្តមួយនេះក្នុងជីវិត។ ពួកគេបានជាប់រវល់យ៉ាងខ្លាំងក្នុងជីវិតប្រចាំថ្ងៃដោយធ្វើការពីម៉ោង ៨ ដល់ ៦។

ប៉ុន្តែបើអ្នកបាននៅជិតកូនៗ អារម្មណ៍អ្នកក៏ប្រែជាទៅរីករាយ និងរៀនធ្វើជីវិតពីកូនក្មេងមកវិញ៕

ចុចអាន៖

ប្រភព៖ thepowerofsilence ប្រែសម្រួល៖ ទ្រី រ៉ាវី