ឪពុក Aaron Yan ប៉ងសម្លាប់ខ្លួនក្រោយដឹងកូនជាអ្នកស្រលាញ់ភេទដូចគ្នា
- 2018-11-09 04:07:15
- ចំនួនមតិ 0 | ចំនួនចែករំលែក 0
ឪពុក Aaron Yan ប៉ងសម្លាប់ខ្លួនក្រោយដឹងកូនជាអ្នកស្រលាញ់ភេទដូចគ្នា
ជាកូនប្រុសទោលនៅក្នុងគ្រួសារ ឪពុករបស់តារាចម្រៀង និងសម្ដែងជួរមុខតៃវ៉ាន់ Aaron Yan បានទប់ចិត្តខ្លួនឯងមិនបានក្រោយពេលឮកូនប្រាប់ខ្លួនថា គេជាអ្នកស្រលាញ់ភេទដូចគ្នា។
កាលពីព្រឹកថ្ងៃទី៧ ខែវិច្ឆិកាកន្លងទៅនេះ វិស័យសិល្បៈចិន និងតៃវ៉ាន់ទាំងមូលបានជ្រួលច្របល់ជាខ្លាំងនៅពេល តារាចម្រៀង និងសម្ដែងប្រុសល្បីឈ្មោះ Aaron Yan ត្រូវអតីតមិត្តប្រុសចេញមុខបកអាក្រាតថា លោកជាអ្នកចាប់ត្រីដៃ៣ ព្រោះពេលកំពុងស្រលាញ់លោក តារារូបនេះបានមានស្នេហាជាមួយមនុស្សប្រុស២នាក់ទៀត។ ព្រឹកថ្ងៃទី៨ សមាជិកក្រុមចម្រៀង Fareinheit បានចេញមុខបកស្រាយថាលោកពិតជាអ្នកស្រលាញ់ភេទដូចគ្នាពិតមែន តែបានបដិសេធពីរឿងចាប់ត្រីដៃ៣។ ប្រុសស្អាតវ័យ៣២ឆ្នាំថា ការពិតរូបទាំងនេះគឺជាមនុស្សតែ១ប៉ុណ្ណោះ គ្រាន់តែថតនៅពេលខុសៗគ្នា។
បន្ថែមពីនេះ លោកក៏បង្ហើបពីវិបត្តិរបស់គ្រួសារខ្លួនផងដែរ។ តាមនោះដែរ កាលពីមុន លោកមានបងប្រុសម្នាក់ទៀត ដែលបានស្លាប់តាំងពីក្មេង ធ្វើឲ្យលោកក្លាយជាកូនប្រុសទោលក្នុងគ្រួសារ។ អាស្រ័យហេតុនេះ គ្រួសារលោកបានរំពឹងលើលោកខ្លាំងណាស់។ ដូចនេះហើយ នៅពេលលោកប្រាប់ឪពុកខ្លួនថា ខ្លួនជាអ្នកស្រលាញ់ភេទដូចគ្នា ឪពុករបស់តារាកើតឆ្នាំ១៩៨៦ បានប្រាប់ឲ្យលោកជួយពាក់ស្រោមជើងឲ្យគាត់ ហើយជូនដំណើរគាត់លើកចុងក្រោយផង ព្រោះគាត់នឹងសម្លាប់ខ្លួន។ ទោះបីក្រោយពេលធ្វើចិត្តបាន លោកមិនបានគិតខ្លីក៏ដោយ តែចាប់ពីពេលនោះ គ្រួសាររបស់ Aaron លែងមានស្នាមញញឹមទៀតហើយ គឺតែងមើលមុខគ្នាមិនចំរហូត។
តាមនេះដែរ ម្ចាស់បទ “The Moment” សូមទស្សនិកជនកុំស្ដាប់ពាក្យបំផ្លើសរឿងរបស់លោក ដែលនឹងធ្វើឲ្យហេតុការណ៍កាន់តែធ្ងន់ធ្ងរជាងមុន៕