ដាច់លុយចុងខែអាចសារ៉េបាន! មុខម្ហូបញាំពងចៀន ងាយៗហើយបានសុខភាពល្អទៀត
- 2018-10-17 03:47:49
- ចំនួនមតិ 0 | ចំនួនចែករំលែក 0
ដាច់លុយចុងខែអាចសារ៉េបាន! មុខម្ហូបញាំពងចៀន ងាយៗហើយបានសុខភាពល្អទៀត
អ្នកណាខ្លះចូលចិត្តពងទាចៀនជ័រភ្នៅ? ជឿថាមានអ្នកចូលចិត្តច្រើន ព្រោះវាឆ្ងាញ់ ថោកហើយស្រួលធ្វើទៀត ជាពិសេសសម្រាប់អ្នកដាច់លុយចុងខែ។ តែបើញ៉ាំតែពងទាចៀនទឹកស៊ីអ៊ីវរហូតវាដដែលៗពេកហើយ ដូច្នេះថ្ងៃនេះកញ្ញាសូមបង្ហាញពីវិធីកែច្នៃពងទាចៀនឲ្យក្លាយជាមុខម្ហូបថ្មីប្លែកមាត់ម្ដង នោះគឺញាំពងទាចៀន។ មុខម្ហូបនេះត្បិតតែចំណាយលុយតិចប៉ុន្តែវាមានគុណប្រយោជន៍ច្រើនគួរសមសម្រាប់សុខភាព ដោយក្នុងស៊ុតគឺសម្បូរដោយសារធាតុប្រូតេអ៊ីន កាល់ស្យូម និងវីតាមីន D ចំណែកក្នុងប៉េងប៉ោះស្រស់គឺផ្ទុកទៅដោយជាតិទឹក ហ្វៃប័រ និងវីតាមីន C ផងដែរ។ ឥលូវនេះយើងមកមើលអំពីវិធីធ្វើតែម្ដង៖
គ្រឿងផ្សំ៖
ពងទា
ប្រេងឆាសម្រាប់ចៀន
ទឹកត្រី
ស្ករស
ម្សៅស៊ុប
ម្ទេសក្រហមចិញ្ច្រាំ
ខ្ទឹមក្រហមចិញ្ច្រាំ
ប៉េងប៉ោះហាន់ជាចំណិតៗ
ស្លឹកឃិនឆាយ
វិធីធ្វើ៖
១. ចៀនពងទាឲ្យស្រួយស៊ុតស តែនៅជ័រភ្នៅ ដោយប្រើខ្លាញ់ឲ្យច្រើន បើកភ្លើងក្ដៅ រួចស្រង់ហាន់ជាចំណិតៗទុកសិន។
២. យកចានធំសម្រាប់ញាំ ដាក់ទឹកត្រី ស្ករស ទឹកក្រូចឆ្មារ ម្សៅស៊ុប ម្ទេសក្រហម ខ្ទឹមក្រហម ប៉េងប៉ោះ និងឃិនឆាយចូល។
៣. ចុងក្រោយដាក់ស៊ុតដែលចៀនរួចចូល ហើយកូរក្រឡុកឲ្យល្មមចូលជាតិគ្នា ជាការស្រេច។
ចុចអានបន្ត៖
កុំឲ្យធ្វើតែម្ហូបដដែលៗ មកសាកសាច់ជ្រូកខ្ចប់បន្លែទឹកត្រីហឹរៗ ឆ្ងាញ់ហើយងាយធ្វើទៀត
ឆ្ងាញ់ទៀតហើយ! រូបមន្តស្លាបមាន់បំពងនិងទឹកជ្រលក់ហឹរឆ្ងាញ់ជាប់មាត់
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
