ធ្លាប់តែត្រូវគេសរសើរថាក្មេងជាងវ័យ តែចាន់ចាវពេលនេះចាប់ផ្ដើមចាស់មែនទែនហើយ

2018-10-07 05:05:04
ចំនួនមតិ 0 | ចំនួនចែករំលែក 0

បង្ហាញខ្លួនក្នុងកម្មវិធីថ្មីបំផុត តារាសម្ដែងប្រុសជើងចាស់ចិន Kenny Ho បានបង្ហាញសញ្ញានៃភាពចាស់ជរាហើយ ទោះធ្លាប់តែងតែត្រូវបានគេសរសើរថាក្មេងជាងវ័យក៏ដោយ។

យោងតាមបណ្ដាញព័ត៌មាន Sina កាលពិថ្ងៃទី២ ខែតុលាកន្លងទៅនេះ តារាសម្ដែងប្រុសចាស់វស្សាចិន Kenny Ho បានមានវត្តមាននៅទីក្រុងប៉េកាំង ប្រទេសចិនដើម្បីចូលរួមក្នុងកម្មវិធីផ្សព្វផ្សាយមួយ។ មានមុខនៅទីនេះ តួរឿង “តុលាការមុខដែក” បានបកស្រាយចំរៀងមួយចំនួននៅក្នុងរឿងដែលខ្លួនធ្លាប់សម្ដែង។ ទោះបីវ័យច្រើនក្ដី ក៏តួសេនារូបនេះនៅតែទទួលបានការគាំទ្ររបស់ទស្សនិកជនជាច្រើន។ យ៉ាងណាក្ដី រូបសម្បត្តិរបស់លោកត្រូវគេវាយតម្លៃថា លែងក្មេងជាងវ័យទៀតហើយនៅក្នុងអាយុ៥៩ឆ្នាំ ពោលគឺស្នាមជ្រីវជ្រួញមើលទៅកាន់តែច្បាស់ជាងមុន ហើយស្បែកក៏លែងស្រស់ថ្លាដូចមុនដូចគ្នា។

នៅពេលត្រូវសួរថាពិបាកចិត្តឬអត់នៅពេលជិតឈានចូលវ័យហុកសិបហើយ តែនៅតែកណ្ដោចកណ្ដែងម្នាក់ឯង។ ប្រុសស្អាតកើតឆ្នាំ ១៩៥៩ បានឲ្យដឹងថា៖ “ខ្ញុំមិនពិបាកចិត្តរឿងនៅម្នាក់ឯង និងគ្មានកូននោះឡើយ ព្រោះរស់បែបនេះយូរក៏ទម្លាប់ទៅហើយ”។ គួរបញ្ចាក់ផងដែរថា បង្ហាញខ្លួនក្នុងកម្មវិធីថ្មីៗនេះ តារារូបនេះត្រូវបានគេសង្ស័យថាបានទៅកែមុខកែមាត់ដើម្បីឲ្យមើលទៅក្មេងជាងមុន ដែលបណ្ដាលឲ្យមុខរបស់លោកមើលទៅមិនធម្មជាតិ៕