ប៉ុន្មានចំណុចដ៏ចាក់ដោតអំពីរឿងរៀបការ ថ្លៃទឹកដោះ និងមាត់មនុស្ស
- 2018-09-26 08:07:11
- ចំនួនមតិ 0 | ចំនួនចែករំលែក 0
ប៉ុន្មានចំណុចដ៏ចាក់ដោតអំពីរឿងរៀបការ ថ្លៃទឹកដោះ និងមាត់មនុស្ស
**ពេលការកូន បានថ្លៃទឹកដោះតិច**
“ម៉េចថ្លៃទឹកដោះថោកយ៉ាងនេះ?”
“មុខវាចឹងបើទារថ្លៃទឹកដោះច្រើនមានណាយក”
“កូនប្រសាហ្នឹងដឹងតែអ្នកក្រហើយ”
ពេលរៀបការបានថ្លៃទឹកដោះច្រើន
“ចុម ថ្លៃម៉េស?” “ទារថ្លៃទឹកដោះបែបហ្នឹងចង់លក់កូនស៊ីមែន?”
“សង្ស័យចង់អួតឲ្យគេឯងដឹងថា កូនស្រីបានថ្លៃទឹកដោះច្រើនជាងគេជាងឯងហើយមើលទៅ”
នៅពេលរៀបការ នៅអាយុតិច
“នៅក្មេងសោះ រហន់ការបាត់ សង្ស័យមានរឿងអីមិនស្រួល ឬមានកូនមុនការម៉ង”
នៅពេលរៀបការពេលអាយុច្រើន
“នៅសៅកែយូរហើយ ឥលូវទើបរកប្ដីបាន”
“អាយុច្រើនហើយទើបរៀបការ ហ្នឹងហើយពេលនៅក្មេងលេងចរិតពេក អីចឹងហើយបានអត់អ្នកយក ទាល់តែចាស់ហើយទើបលក់ចេញ”
“មិត្តភ័ក្ដិមានកូនខ្លះមានចៅអស់ហើយ ឯងទើបការ គួរឲ្យអាណិតដល់ហើយ”
នៅពេលរៀបការធ្វើកម្មវិធីតូចតាច
“ងាប់ នេះកម្មវិធីរៀបការ ឬកម្មវិធីស្អីហ្នឹង?”
“កំណាញ់ គំរិះ បេះមិនចេញទេ បានមិនហ៊ានធ្វើកម្មវិធីធំដូចគេឯង ម្ហូបក៏ស៊ីមិនកើត”
“គួរតែធ្វើពិធីធំជាងនេះ រៀបការមួយជីវិតម្ដងសោះ”
នៅពេលរៀបការធ្វើកម្មវិធីធំដុំ
“យី ធ្វើពិធីធំម្ល៉ឹង ធ្វើមើលតែកូនឯកឧត្តមលោកជំទាវ”
“គេអ្នកមានធំៗគេធ្វើធម្មតាៗសោះ ឯងប៉ុណ្ណឹងធ្វើធំជាងគេទៀត"
“រៀបចំពិធីធំម្ល៉ឹងៗ បែបខ្លាចគេមិនដឹងថាកូនការ”
នេះហើយ “មនុស្ស” ធ្វើអ្វីក៏មិនសូវត្រូវចិត្តដែរ ធ្វើបែបនេះក៏ខុស ធ្វើបែបនោះក៏ខុស ចូលចិត្តមើលគ្នាក្នុងផ្លូវមិនល្អ មិនសូវមានចិត្តបរិសុទ្ធឲ្យគ្នានោះទេ។ ដូច្នេះចាំទុក “កុំធ្វើអ្វីតម្រូវចិត្តមនុស្ស” ប៉ុន្តែចូរធ្វើអ្វីដែល “ត្រឹមត្រូវ និងតាមចិត្តរបស់ខ្លួនឯង” ៕
ចុចអាន៖