ម៉ូដអាវប៉ាក់ស្អាតៗថ្លៃថ្នូរ មើលទុកពេលទៅវត្តក្នុងថ្ងៃភ្ជុំបិណ្ឌ
- 2018-09-14 01:00:00
- ចំនួនមតិ 0 | ចំនួនចែករំលែក 0
ម៉ូដអាវប៉ាក់ស្អាតៗថ្លៃថ្នូរ មើលទុកពេលទៅវត្តក្នុងថ្ងៃភ្ជុំបិណ្ឌ
អាវប៉ាក់ សំពត់បត់ បង្ហាញពីអត្តសញ្ញាណ វប្បធម៌ប្រពៃណីខ្មែរ ដែលមានតាំងពីយូរណាស់មកហើយ នៅតែមើលទៅភាពស្រស់ស្អាត ទាក់ទាញ សុភាពថ្លៃថ្នូរបែបនារីខ្មែរ។ កាលសម័យមុន ឲ្យតែដល់រដូវភ្ជុំបិណ្ឌម្ដងៗ នារីៗសឹងទាំងអស់គ្នាតែងនិយម ពាក់អាវប៉ាក់សជាមួយហូលឬផាមួង ពេលយកចង្ហាន់ទៅប្រគេនព្រះសង្ឃនៅវត្ត ដើម្បីឧទ្ទិសកុសលដល់ញាតិសន្តានដែលបានចែកឋានទៅ។ យ៉ាងណាមិញ សព្វថ្ងៃយើងឃើញថា ការនិយមស្លៀកពាក់បែបនេះទៅវត្ត គឺមានការធ្លាក់ចុះ ដោយសារតែមិត្តៗនារីភាគច្រើនគិតថា ពិបាកស្លៀក ស្អុះស្អាប់ជាដើម។
ទោះបីជាបែបនេះក្តី អ្នកនាង លីម មួយគាង ជាម្ចាស់ហាងកាត់ដេរសម្លៀកបំពាក់ខេមា បានប្រាប់មកកាន់វិបសាយ កញ្ញា ថា "ត្បិតតែការនិយមស្លៀកពាក់បែបប្រពៃណីខ្មែរនៅពេលទៅវត្តមានការធ្លាក់ចុះ ប៉ុន្តែខ្ញុំនៅតែបន្តបង្កើតច្នៃម៉ូដថ្មីៗ ព្រោះខ្ញុំគិតថាពេលមនុស្សស្រីពាក់អាវប៉ាក់ ស្លៀកហូលផាមួង មានភាពរម្យទម និងចេះរក្សាឲ្យតម្លៃលើ វប្បធម៌ប្រពៃណីខ្មែរ។" សម្រាប់អាវប៉ាក់មួយ ត្រូវចំណាយរយៈពេលប្រមាណ៣-៤ថ្ងៃ ទើបរួចរាល់។
ប៉ុន្មានម៉ូដខាងក្រោម ដែល កញ្ញា បានបង្ហាញនៅថ្ងៃនេះ ស័ក្ដិសមឥតខ្ចោះសម្រាប់យុវតីវ័យជំទង់ រហូតដល់វ័យខ្ទង់៣០ឆ្នាំ។
សម្រាប់តម្លៃជាឈុតមានចាប់ពី ១៥០ដុល្លារ ដល់១៧០ដុល្លារ ចំណែកអាវប៉ាក់សមួយ មានចាប់ពី ១២០ដុល្លារ ដល់ ១៤០ ដុល្លារ៕
រូបភាពផ្តល់ឲ្យ៖ ហាងកាត់ដេរ សម្លៀកបំពាក់ខេមា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
