៧មេរៀនជីវិតដែលគ្មានសាលាណាបង្រៀនទាំងអស់ ត្រូវរៀន និងចងចាំដោយខ្លួនឯង
- 2018-09-09 04:15:21
- ចំនួនមតិ 0 | ចំនួនចែករំលែក 0
៧មេរៀនជីវិតដែលគ្មានសាលាណាបង្រៀនទាំងអស់ ត្រូវរៀន និងចងចាំដោយខ្លួនឯង
សាលារៀនគឺជាកន្លែងដែលផ្ដល់ចំណេះដឹងឲ្យយើង តែមានរឿងមួយចំនួន គ្មានសាលាណាអាចបង្រៀនយើងបានទេ តែអ្នកត្រូវជួបផ្ទាល់ ទើបដកពិសោធន៍បាន។
ពីតូចដ៏ធំពេញវ័យ ពួកយើងទាំងអស់គ្នាសុទ្ធតែឆ្លងកាត់សាលាជាច្រើន។ រាល់សាលានិមួយៗសុទ្ធតែបន្សល់ឲ្យយើងចំណេះដឹងជាច្រើន។ យ៉ាងណាក្ដី ដល់ពេលពេញវ័យ មានមេរៀនជីវិតជាច្រើនដែលមានតែយើង ទើបអាចបង្រៀនខ្លួនឯងបាន ព្រោះទោះចង់បង់លុយទៅរៀនក៏មេរៀនទាំងនេះមិនអាចរៀនបានដែរ។
**១.** រាល់ការប្រៀបធៀបរវាងមនុស្សម្នាក់ និងម្នាក់ទៀតគឺខុសទាំងអស់ព្រោះមនុស្សគ្រប់រូបសុទ្ធតែមានគំនិត គោលដៅ និងការរស់នៅផ្សេងគ្នា។ រស់យ៉ាងម៉េចឲ្យតែខ្លួនមានសេចក្ដីសុខទៅបានហើយ។
២. នៅលើលោកនេះ គ្មានអ្នកណាដែលបាត់បង់អ្វីម្យ៉ាងហើយមិនអាចរស់នៅបាននោះទេ ដូចនេះកុំរស់ក្នុងអតីតកាលទៀត ត្រូវរស់នៅបច្ចុប្បន្នកាល។
៣. ជីវិតនៅកន្លែងការងារប្រៀបដូចសង្គមរួមតូចមួយ ជាកន្លែងដែលអ្នកនឹងជួបមនុស្សជាច្រើន កន្លែងដែលនឹងកើតហេតុការណ៍ជាច្រើន ហើយអ្នកត្រូវតែរឹងមាំបើមិនចង់ត្រូវគេជាន់ទេ។ ចង់ដឹងជីវិតរស់នៅក្នុងវាំងរបស់ពួកអ្នកម្នាងជំនាន់មុនយ៉ាងម៉េច មិនបាច់វិលពេលវេលាត្រលប់ក្រោយទេ ទៅធ្វើការគឺដឹងហើយ។ គ្មានថ្ងៃណាមួយដែលរំលងទៅដោយគ្មានរឿងទេ។ អ្នកនៅតែម្នាក់ឯង មិនប្រាកដថាគេមិនមករករឿងអ្នកឡើយ។
៤. មិនប្រាកដថាធ្វើបុណ្យគឺនឹងបានបុណ្យមកវិញឡើយ ព្រោះអ្នកខ្លះ ធ្វើបុណ្យក៏ត្រូវរន្ទះបាញ់ តែបើសាងបាបវិញ ប្រាកដជាទទួលបានបាបមិនខាន។ ដូចនេះទោះបីជាសង្គមធ្វើឲ្យអ្នកអស់ចិត្តប៉ុណ្ណា ក៏ត្រូវធ្វើចិត្តឲ្យល្អជានិច្ច។
៥. និយាយត្រង់ក៏ត្រូវតែដឹងកាលៈទេសៈដែរ មិនមែនគ្រប់ពេលនិយាយត្រង់គឺល្អឡើយ ព្រោះបំណងល្អរបស់យើង គេអាចមើលមិនឃើញ តែគិតថាយើងមានគំនិងផ្សេងទៅវិញ។ និយាយតិចគិតច្រើន ទើបចម្រើនយូរ។
៦. មិនថាមនោសញ្ចេតនាស្នេហា ឬមនោសញ្ចេតនាមិត្តភ័ក្ដិនោះឡើយ គឺប្រៀបដូចជញ្ជីងដែរ គឺសងខាងត្រូវដាក់ចិត្តកសាងរួមគ្នា បើមានចិត្តចេញមកពីតែម្ខាងនោះ មិនយូរមិនឆាប់ មនោសញ្ចេតនានោះនឹងលែងស្មើ ហើយឈានដល់ទីបញ្ចប់។
៧. ត្រូវចាំថាមានតែឪពុកម្ដាយយើងប៉ុណ្ណោះដែលស្រលាញ់យើងឥតល័ក្ខខណ្ឌ ដូចនេះកុំដោយសារតែនរណាម្នាក់យំសោកបោកខ្លួន ចង់សម្លាប់ខ្លួននោះ។ ជីវិតនេះគាត់អ្នកផ្ដល់ឲ្យយើង គាត់មិនទារវិញផង ម៉េចក៏ដោយសារមនុស្សក្រៅម្នាក់ យើងចង់បញ្ចប់ជីវិតខ្លួនឯងនោះ៕
ចុចអាន៖