ជ្រើសពណ៌ក្រែមដែលស្រឡាញ់ ហើយអ្នកនឹងដឹងថា ខ្លួនឯងជាមនុស្សបែបណា
- 2018-07-04 08:30:00
- ចំនួនមតិ 0 | ចំនួនចែករំលែក 0
ជ្រើសពណ៌ក្រែមដែលស្រឡាញ់ ហើយអ្នកនឹងដឹងថា ខ្លួនឯងជាមនុស្សបែបណា
ក្រែមជាដៃគូដ៏ល្អបំផុតរបស់មនុស្សស្រីដែលមិនអាចខ្វះបាន ហើយលើសពីនេះពណ៌ដែលអ្នកស្រឡាញ់ខ្លាំងបំផុតក៏អាចមើលថាអ្នកជាមនុស្សបែបណាបានដែរ។ ជ្រើសរើសពណ៌មួយដែលអ្នកស្រឡាញ់ជាងគេ ហើយមើលពីខ្លួនអ្នកដូចខាងក្រោមនេះ ៖
១. ពណ៌ត្នោតខ្ចី ឬ Nude Color
វាជាពណ៌លក្ខណៈធម្មជាតិមួយដែលមិនភ្លឺពេក ដូច្នេះមនុស្សស្រីដែលចូលចិត្តពណ៌នេះគឺជាមនុស្សដែលចូលចិត្តជួយគេ ឬខ្វល់បីគេច្រើន។ លើសបីនេះជាមនុស្សដែលមានភាពកក់ក្ដៅសម្រាប់មនុស្សជុំវិញខ្លួន និងចូលចិត្តភាពស្ងៀមស្ងាត់ មិនរញ៉េរញ៉ៃច្រើន។
២. ពណ៌ទឹកក្រូច
ពណ៌ទឹកក្រូចគឺជាពណ៌ដែលមើលទៅមានភាពរីករាយ គួរឱ្យចាប់អារម្មណ៍និងប្រកបដោយការច្នៃប្រឌិតដែលប្រាប់បានថាអ្នកគឺជាមនុស្សផ្សងព្រេង រួសរាយ ចូលចិត្តញញឹម និងមានឆន្ទៈក្នុងការសម្របខ្លួនឯងមិនថាបញ្ហាប្រឈមអ្វីនោះទេ។
៣. ពណ៌ផ្កាឈូក
ពណ៌នេះគឺពេញនិយមបំផុតព្រោះវាមើលទៅសាមញ្ញ ស្រស់ស្អាតសម្រាប់នារី ហើយអ្នកដែលចូលចិត្តប្រើក្រែមពណ៌នេះ គឺជាមនុស្សដែលចូលចិត្តភាពស្រស់ស្អាត មានរបៀបរៀបរយ និងសាមញ្ញ។ ម្យ៉ាងទៀតអ្នកដែលចូលចិត្តពណ៌នោះ គឺចិត្តមិនសូចដាច់ប៉ុន្មានទេ ច្រើនតែនៅទាក់ទើរ ឬមានក្ដីអាណិតច្រើន។
៤. ពណ៌ស្វាយ
គឺជាពណ៌ម្យ៉ាងដែលសិចស៊ី និងជាទូទៅគឺតុបតែងលក្ខណៈជាឈុតៗជាមួយសម្លៀកបំពាក់ជាដើម។ អ្នកដែលចូលចិត្តលាបពណ៌នេះគឺជាមនុស្សរឹងមាំ ឯករាជ្យ និងមនុស្សស្រីដែលមានចិត្តឆាវ ហ៊ាននិយាយ ហ៊ានធ្វើ មិនចូលចិត្តសាញច្រើននោះទេ។
៥. ពណ៌ក្រហមស្រស់
ជាពណ៌ដែលសិចស៊ីខ្លាំង រ៉ូមែនទិច និង ថ្លៃថ្នូរ។ មនុស្សស្រីដែលចូលចិត្តពណ៌នេះ គឺជាមនុស្សដែលក្លាហាន មានជំនឿចិត្ត មហិច្ឆតា និងមានមោទនភាពលើអ្វីដែលខ្លួនមាន។
៦. ពណ៌ក្រហមព្រឿងៗ
ពណ៌នេះគឺមើលទៅបែប Cute និងសាមញ្ញមួយបែបសម្រាប់មនុស្សស្រី។ អ្នកដែលចូលចិត្តពណ៌នេះ គឺជាមនុស្សស្រីដែលចូលចិត្តភាពរីករាយ មិនចូលចិត្តការគាបសង្កត់ពីអ្នកណា ហើយក៏មិនចូលចិត្តឲ្យអ្នកណាមកខ្វល់ចិត្តជាមួយនាងដែរ។ នាងមានចរិតម្យ៉ាងដែលទាក់ទាញ គួរឲ្យស្រឡាញ់ និងមានកម្លាំងម្យ៉ាងដែលនាំឲ្យអ្នកផ្សេងចូលចិត្តនាង។
ចុចអាន៖មកដឹងពីអត្ថន័យខ្សែបន្ទាត់ ដែលមាននៅលើកដៃរបស់មនុស្សគ្រប់គ្នា