បង្ហោះរូបថ្មីៗ Aum មើលទៅកាន់តែសិចស៊ីឡើង នៅវ័យក្បែរ៤០ឆ្នាំ

2018-06-22 05:00:00
ចំនួនមតិ 0 | ចំនួនចែករំលែក 0

អាយុ ៣៩ឆ្នាំហើយមែន ប៉ុន្តែសម្រស់របស់តារាសម្ដែង Aum Patcharapa នៅតែមិនមានអ្នកណាប្រជែងបានឡើយក្នុងពិភពសិល្បៈថៃ។

កាលពីម្សិលមិញនេះ តារាសម្ដែង Aum Patcharapa បានបង្ហោះរូបថតថ្មីមួយចំនួនរបស់ខ្លួនដើម្បីផ្សព្វផ្សាយផលិតផលគ្រឿងសម្អាងមួយ។ ក្នុងនោះ តារាសម្ដែងឯកប្រចាំប៉ុស្តិ៍លេខ៧ថៃ បានផាត់មុខធ្វើសក់ និងស្លៀករ៉ូបខ្មៅបង្ហាញដើមទ្រូងយ៉ាងសិចស៊ី ដែលបង្ហាញពីសម្រស់ដ៏ក្មេងជាងវ័យរបស់ខ្លួន ធ្វើឲ្យបណ្ដាអ្នកគាំទ្រអត់ទ្រាំមិនសរសើរមិនបាន។ ជាមួយគ្នានោះដែរអ្នកផាត់មុខល្បីឈ្មោះ Nongchat ដែលតែងផាត់មុខឲ្យ Aum និងតារាមួយចំនួនទៀតជាប្រចាំក៏បានលាន់មាត់សរសើរដែរថា ស្បែកមុខ Aum គឺសថ្លាជាងកញ្ចក់ទៅទៀត។

តួឯកស្រីរឿង “ភ្លើងព្រះនាង” ធ្លាប់បានចែករំលែកពីអាថ៌កំបាំងនៃសម្រស់ក្មេងជាងវ័យរបស់ខ្លួនថា ក្រៅពីការធ្វើឲ្យខ្លួនឯងមានអារម្មណ៍ល្អ និងផ្លូវចិត្តល្អហើយ គឺតារារូបនេះមានទម្លាប់គេងល្អ ដោយមិនដែលក្រោកយឺតនោះឡើយ ហើយក៏មិនដែលចូលគេងយប់ជ្រៅដែរ ៕