អតីតមិត្តស្រីរបស់ Se7en បង្អួតរាងឡើងខ្ញង់ក្រោយសម្រាលកូនមិនទាន់បាន២ខែផង

2018-06-22 02:38:46
ចំនួនមតិ 0 | ចំនួនចែករំលែក 0

មិនដល់២ខែក្រោយពេលឆ្លងទន្លេផង តារាសម្ដែងស្រីល្បីឈ្មោះកូរ៉េ Park Han Byul អតីតមិត្តស្រីរបស់តារាចម្រៀង Se7en បានបង្អួតរាងមិនខុសពីកាលនៅក្រមុំ។

កាលពីថ្ងៃទី២០ខែមិថុនាមុននេះ នៅលើបណ្ដាញសង្គមរបស់ខ្លួន តារាសម្ដែងស្រីកូរ៉េ Park Han Byul បានបង្ហោះកម្រងរូបភាពដែលលំហែរកម្សាន្តរបស់ខ្លួនជាមួយមិត្តភ័ក្ដិយ៉ាងសប្បាយគួរឲ្យច្រណែន។ នេះគឺជាលើកទី១ហើយដែលនាងមានសកម្មភាពឡើងវិញ ក្រោយពេលឆ្លងទន្លេកូនដំបូងកាលពីចុងខែមេសាកន្លងទៅ។

នៅក្នុងរូបភាពទាំងនេះ គេឃើញថាស្រីស្អាតវ័យ៣៣ឆ្នាំបានបង្ហាញរាងយ៉ាងស្វែលរលូនដូចកាលមិនទាន់មានកូន។ ទន្ទឹមនឹងពាក្យសរសើរពីរាងរបស់នាង តារាស្រីកើតឆ្នាំ១៩៨៤ មិនគួរទុកកូនអាយុទើបតែ២ខែនៅផ្ទះហើយដើរលេងយ៉ាងនេះឡើយ។

គួរបញ្ជាក់ផងដែរថា ក្រោយពេលមានចំណងស្នេហ៍រយៈពេល១២ឆ្នាំជាមួយកំពូលតារាចម្រៀង Se7en អ្នកទាំង២បានបែកគ្នាកាលពីឆ្នាំ២០១៦ ដោយខាងស្រីបានរៀបការជាមួយអ្នកជំនួញម្នាក់ផ្សេងទៀតកាលពីឆ្នាំ២០១៧ ហើយសម្រាលកូនទី១របស់ខ្លួនកាលពីខែមេសាមុននេះ៕