ចង់បានសក់វែងស្អាតមិនបាច់ទៅហាងអស់លុយទេ តិចនិកងាយៗនេះអាចជួយបាន
- 2018-06-14 04:00:00
- ចំនួនមតិ 0 | ចំនួនចែករំលែក 0
ចង់បានសក់វែងស្អាតមិនបាច់ទៅហាងអស់លុយទេ តិចនិកងាយៗនេះអាចជួយបាន
ចង់បានសក់វែងរលោងតាមបែបធម្មជាតិ មិនចាំបាច់ទៅហាងឲ្យជាងធ្វើឲ្យទេ អ្នកគួរតែដឹងពីរបៀបថែទាំងាយៗទាំងនេះ នោះសក់នឹងដុះលូតលាស់បានលឿនមិនខាន។
១.សម្ងួតសក់
ក្រោយពេលកក់សក់ មិនត្រូវប្រើម៉ាស៊ីនផ្លុំ ដើម្បីឲ្យស្ងួតឡើយ។ជ្រើសរើសកន្សែងកប្បាស ដែលអាចស្រូបយកជាតិទឹកបានល្អ។ យកកន្សែងស្ងួតមកញីថ្នមៗ រហូតដល់សក់លែងហូរទឹក បន្ទាប់មកទុកឲ្យស្ងួតដោយឯងៗ ឬប្រើកង្ហារ។
២.កុំមូររួញចុង
ក្នុងដំណាក់កាលចង់ឲ្យសក់វែងឆាប់ អ្នកមិនគួរជ្រើសរើសម៉ូដសក់មូរចុងឡើយ ទោះជាប្រើឧបករណ៍បែបណាក៏ដោយ ព្រោះវានាំឲ្យសក់បែក ឬខូចចុងសក់តែម្ដង។ កាលណាសក់ត្រូវកម្ដៅច្រើន នាំឲ្យងាប់ ឬសំពោង។ វិធីល្អទម្លាក់ធម្មតាៗ ហើយមិនបាច់កៀបឡើយ ដើម្បីឲ្យសក់បានស្រូបយកសារជាតិបំប៉នគ្រប់គ្រាន់។
៣.សិតសក់ដោយក្រាស់ធ្មេញរង្វើល
បន្ទាប់ពីយកកន្សែងជូតសក់រួចហើយ កុំភ្លេចចែកសក់ជាចំណែកតូចៗ និងសិតដោយក្រាស់មានធ្មេញរង្វើល និងមិនមែនស្នាមបែកបាក់ ដើម្បីសិតទៅកុំឲ្យទាក់ដាច់សក់។
៤.កុំចងសក់លើកតឹងៗពេក
បន្ទាប់ពីរង់ចាំឲ្យសក់ស្ងួតប្រហែល ៧០% ហើយ អ្នកអាចចងសក់ថើៗបាន ប៉ុន្តែមិនអាចចងតឹងពេកឡើយ ព្រោះវានឹងធ្វើឲ្យរឹបខ្លាំងពីឫសសក់។ របៀបចងមួយទៀត អ្នកអាចចង់បន្តកន្ទុយគ្នាដោយទុកចន្លោះ ៥-៧ cm។
៥.បត់សក់ចូលក្នុង
នៅអាមេរិកឡាទីនស្ត្រីតែងតែលាក់សក់របស់ពួកគេ បច្ចេកទេសនេះហៅថា "La toca" ។ វិធីនេះជួយឲ្យសក់រលោង និងដុះបានលឿនជាងមុន។ សក់ត្រូវតែស្ងួតដោយធម្មជាតិ បន្ទាប់មករុំក្បាលរបស់អ្នកដោយប្រើដង្កៀបខ្មៅ ដើម្បីកុំឲ្យធ្លាក់។ នៅព្រឹកបន្ទាប់អ្នកនឹងក្រោកឡើងជាមួយនឹងសក់ត្រង់។
៦.ជ្រើសរើសសេរ៉ូម
អ្នកគួរតែប្រើសេរ៉ូមបន្ទាប់ពីកក់រួច ហើយទុកឲ្យសក់ស្ងួតដោយខ្លួនឯង។ ផលិតផលទាំងនេះជួយការពារសក់របស់អ្នកពីកាំរស្មី UV ៕
ចុចអាន៖ទម្លាប់អាក្រក់ដែលធ្វើឲ្យស្បែកក្បាលនៅតែប្រេងខ្លាំង ទោះបីជាមើលថែបានដិតដល់ក៏ដោយ