ស្នាដៃកូនខ្មែរអស្ចារ្យមែន អាចយកអង្ករមកច្នៃធ្វើរូបគំនូរបានយ៉ាងស្រស់ស្អាត

2018-05-18 04:00:00
ចំនួនមតិ 0 | ចំនួនចែករំលែក 0

ប្រិយមិត្តទាំងអស់គ្នា ប្រាកដជាធ្លាប់បានឃើញរូបគំនូរដែលគូរដោយជក់ ខ្មៅដៃ និងប្រភេទគូល័រផ្សងៗ ប៉ុន្តែលើកនេះ អ្នកច្បាស់ជាប្លែកភ្នែកមិនខាន ចំពោះភាពប៉ិនប្រសប់នៃការច្នៃប្រឌិតផ្ទាំងគំនូរ ដែលធ្វើពីគ្រាប់អង្ករ។

អ្នកស្រី អាអ៊ីសា

អ្នកស្រី អាអ៉ីសា ដែលជាម្ចាស់ហាង និងជាអ្នកបង្កើតគំនិតមួយនេះឡើងបានរៀបរាប់ថា អង្ករខ្មែរគឺមិនទាន់មានទីផ្សារទូលំទូលាយខ្លាំងនៅឡើយទេ។ ប៉ុន្តែអង្ករមានការពេញនិយមច្រើនពីប្រជាជនខ្មែរ គ្រប់ស្រទាប់វណ្ណៈ ធ្វើឲ្យអ្នកស្រីគិតថា បើយកវាមកច្នៃជាគំនូរវិញម្តង រឹតតែទាក់ទាញជាងមុនថែមទៀត។ កូនខ្មែរកាត់អ៊ីស្លាមមូយរូបនេះ បញ្ជាក់ទៀតថា អ្នកស្រីចេះជំនាញនេះរយៈពេល ៧ ឆ្នាំមកហើយ ប៉ុន្តែទើបតែអាចយកជាផ្លូវការបាន ប៉ុន្មាន ២ ទៅ ៣ ឆ្នាំចុងក្រោយនេះប៉ុណ្ណោះ។

សម្រាប់អង្ករវិញ អាអ៉ីសា យកគ្រប់ប្រភេទដូចជា នាងខុន នាងមិញ ផ្កាម្លិះ ជាពិសេសចុងអង្ករដែលគេមិនសូវត្រូវការមកច្នៃធ្វើជារូបផ្សេងៗ តាមដែលអតិថិជនកម្ម៉ង់និងពេញចិត្ត។ ចំពោះតម្លៃវិញ មានចាប់ពី ២ ដុល្លារ ដល់ ១០០ ដុល្លារ និង ១ ដុល្លារសម្រាប់បន្តោងសោ៕ បើអ្នកមានចំណាប់អារម្មណ៍ចង់កម្ម៉ង់ទិញ ទីតាំងគឺស្ថិតនៅេជិតផ្សារទំនើបអ៉ីអនម៉ល ឬទំនាក់ទំនងលេខទូរសព្ទ ០៦៧ ២២២ ០១៦/០៩៣ ៤០៩ ០០៣ ។