យល់ដឹងពីជំងឺ បម្រុងក្រឡាភ្លើង ឬព្រាយក្រឡាភ្លើង ដែលម្ដាយត្រៀមសម្រាលកូនមិនគួររំលង
- 2018-04-25 04:30:00
- ចំនួនមតិ 0 | ចំនួនចែករំលែក 0
យល់ដឹងពីជំងឺ បម្រុងក្រឡាភ្លើង ឬព្រាយក្រឡាភ្លើង ដែលម្ដាយត្រៀមសម្រាលកូនមិនគួររំលង
ជំងឺ Pre-Eclampsia ដែលជាទូទៅខ្មែរយើងចំណាំហៅថា ជំងឺបម្រុងក្រឡាភ្លើង ឬ ព្រាយក្រឡាភ្លើង គឺជាជំងឺមួយអាចកើតមានឡើងតែក្នុងអំឡុងពេលស្ត្រីមានផ្ទៃពោះ (គិតបន្ទាប់ពីសប្តាហ៍ទី ២០ នៃការមានផ្ទៃពោះ) ដោយបង្កឲ្យមានផលប៉ះពាល់ទៅដល់សុខភាពម្តាយ និងទារក។ យោងតាមការដកស្រង់ចេញពីអត្ថបទរៀបរៀងដោយ វេជ្ជបណ្ឌិត Yong Malysadeth ឯកទេសខាងសម្ភព នៃមន្ទីូរពេទ្យកាល់ម៉ែត បានឲ្យដឹងថា៖
១) ស្ត្រីដែលមានជំងឺព្រាយក្រឡាភ្លើង មានរោគសញ្ញាដែលអាចស្តែងចេញ
ការឡើងហើម នៃប្រអប់ដៃ, ប្រអប់ជើងមុខ និងផ្នែកផ្សេងទៀតនៃរាង្គកាយ
ប្រកាច់និងកន្ត្រាក់
ឈឺក្បាលបែបប្រកាំង
២) កត្តារួមផ្សំបណ្តាលឲ្យកើតមានជំងឺព្រាយក្រឡាភ្លើងមានដូចជា
ការលើសសម្ពាធឈាម
បរិមាណមិនប្រក្រតីនៃប្រូតេអ៊ីននៅក្នុងទឹកនោម
ខ្វះអាហាររូបត្ថម្ភ
ស្ត្រីមានកូនលើកដំបូង
ស្ត្រីមានកូនច្រើនហើយញឹក
ស្ត្រីពរពោះដែលមានអាយុលើសពី៣៥ឆ្នាំ
ស្ត្រីធ្លាប់មានប្រវត្តកើតជំងឺមុនពេលមានផ្ទៃពោះ(លើសសម្ពាធឈាមរ៉ាំរ៉ៃ ជំងឺទឹកនោមផ្អែម ឬជំងឺតម្រងនោមជាដើម)។
៣) ផលប៉ះពាល់
កូនស្វិត
កូនកើតមិនគ្រប់ខែ
កូនស្លាប់ក្នុងពោះ
វិបត្តិធ្ងន់ធ្ងរអាចធ្វើអោយម្តាយឈានទៅដល់ដាច់សរសៃឈាមខួរក្បាល
៤) វិធីការពារ
កុំញ៉ាំអាហារដែលមានជាតិប្រៃពេក និងអាហារផ្អាប់ ដូចជាប្រហុក ផ្អក…
ត្រូវមកធ្វើការពិនិត្យផ្ទៃពោះឲ្យបានទៀងទាត់ជាមួយវេជ្ជបណ្ឌិតឯកទេសសម្ភព ក្នុងការរាវរកសញ្ញាគ្រោះថ្នាក់ដែលគាត់អាចមានដើម្បីអាចធ្វើការព្យាបាល ឬអន្តរាគមន៌វេជ្ជសាស្ត្រទាន់ពេលវេលា៕
អត្ថបទ និងរូបភាពផ្តល់សិទ្ធដោយ៖Calmette Hospital
ចុចអាន៖ចាប់ផ្ដើមពពោះ កិច្ចការផ្ទះ៤យ៉ាងនេះ គួរឈប់ធ្វើបើមិនចង់មានគ្រោះថ្នាក់ដល់កូន